

էկոԼուր
Փետրվարի 12-ին 8-րդ անգամ մեկնարկեց «Գարնանն Ընդառաջ» ծրագիրը: Այն իրականացվում է BirdLife միջազգային կազմակերպության կողմից: Հայաստանում այս ծրագիրն իրականացնում է Հայաստանի թռչունների պահպանման միությունը: Ծրագրի նպատակն է դիտել և գրանցել չվող թռչուններին ողջ Եվրեպայում և Կենտրոնական Ասիայում: Այս մասին տեղեկացնում է Հայաստանի թռչունների պահպանման միությունը:
«Գարնանն Ընդառաջը»-ը միավորում է Եվրոպայի և Աֆրիկայի բնակիչներին, որոնք հետևում և գրանցում են լայնորեն տարածված 5 թռչնատեսակների գարնանային վերադարձը: Մասնակիցները հետևում են գարնան հերթափոխին մայրցամաքների միջև և գրանցում իրենց դիտարկումները www.springalive.net կայքում: 2012թ-ը «Գարնանն Ընդառաջ» ծրագրի շրջանակներում գրանցվել է 173,140 դիտարկում: Ամենամյա այս կրթական ծրագիրը տևելու է մինչև հունիսի 21-ը:
«Գարնանն Ընդառաջը» ծրագիրն առաջին անգամ իրականացվել է 1987 Բավարիայում, Գերմանական Birdlife ներկայացուցչի կողմից: Ներկայումս ծրագիրն անցկացվում է Birdlife-ի գործընկերների կողմից ավելի քան 40 երկրներում:
Փետրվար 13, 2013 at 16:39
