ԷկոԼուր
Պարզվում է, որ Արմավիրի քաղաքային այգին, որտեղ այս տարվա մայիսից ծառահատումներ են եւ բուռն շինարարություն, փաստաթղթերով այգի չէ: Նման հայտարարությամբ հանդես եկան Արմավիրի այգու պաշտպանները: Ըստ Արմավիրի նոր հատակագծի` այգին համարվում է Արմավիրի քաղաքապետարանի ենթակայության տակ գտնվող տարածք, այլ ոչ թե այգի: Հատակագծի փոփոխումը հեշտացրել է այգու վաճառքի գործը: Այգին Արմավիրի միակ այգին է: Ըստ այգու պաշտպանների` քաղաքապետը խոստացել էր այգին տեղափոխել քաղաքի ծայրամաս, սակայն ոչ տեղափոխել է, ոչ էլ ներկայիս կանաչ տարածքն է պահպանվում: Ներկայումս այգու տարածքում կառուցվում է բանկ, եկեղեցի եւ անասնաբուժական դեղատուն:
Արմավիրցիները այգու տարածքում իրականացվող շինարարության նախագծերի հասարակական լսումների մասին տեղյակ չեն: Այս կապակցութամբ «ԷկոԼուր»-ը դիմում է ՀՀ բնապահպանության նախարարությանը եւ խնդրում է տեղեկացնել`
- Ի՞նչ հիմնավորմամբ է Բնապահպանության նախարարությունը թույլատրել Արմավիր քաղաքի միակ հանրային այգում ծառահատումներ կատարել եւ շինություններ կառուցել
- Ե՞րբ են անցկացվել այդ շինությունների կառուցման աշխատանքային նախագծերի հասարակական լսումները
- Ի՞նչ ըներություններ են իրականացնում շինարարությունը
- ՀՀ բնապահպանության նախարարությունը այդ նախագծերին դրական եզրակացություն տրամադրե՞լ է, եթե այո, ապա խնդրում ենք մեզ տրամադրել եզրակացությունների կրկնօրինակները եւ հասարակական լսումների արձանագրությունները:
Օգոստոս 22, 2011 at 11:07