ՀՅԴ-ի «կանաչ» խոստումները` Երևանի ավագանու ընտրություններում

ԷկոԼուր

Երևանի ավագանու ընտրություններում հաղթելու դեպքում «Հայ Հեղափոխական դաշնակցություն» կուսակցությունը խոստանում է կրկնապատկել կանաչ տարածքները:

Նախընտրական ծրագրի «Հանուն կանաչ և գեղեցիկ Երևանի» բլոկում նշված է.

• պահպանել և ավելացնել այգիները, կանաչ գոտիները, ջրավազանները, շատրվանները,

• Հրազդանի կիրճը, Հաղթանակի այգին և նրան հարող տարածքը սահմանել որպես բնապահպանական գոտի,

• Երևանյան լիճը և նրան հարող տարածքը վերածել համաքաղաքային նշանակության հանրային հանգստի, կանաչ գոտիների,

• կրկնապատկել կանաչ տարածքները՝ հատուկ ուշադրություն դարձնելով ծառատեսակների ընտրությանը:

Կուսակցությունը նաև խոստանում է կարգավորել աղբահանության խնդիրը, ստեղծել աղբի տեսակավորման և էկոլոգիական վերամշակման տնտեսություն, վերականգնել և զարգացնել էկոլոգիապես մաքուր տրանսպորտային միջոցների ցանցը:

ՀՅԴ-ի քաղաքապետի թեկնածուն Միքայել Մանուկյանն է, ով ներկայում զբաղեցնում է Անտառային պետական կոմիտեի նախագահի պաշտոնը:

Սեպտեմբեր 13, 2018 at 17:58