ԷկոԼուր
Երեւանի քաղաքապետ Տարոն Մարգարյանը Ֆուտբոլի ֆեդերացիայի նախագահ Ռուբեն Հայրապետյանի հետ միասին մայիսի 24-ին այցելեց Նորագավիթ եւ այգիների վարձակալներին խոստացավ, որ այգիների տարածքը չի կառուցապատվի: Այս մասին «ԷկոԼուր»-ին հայտնեց «Թռչնասերների կենտրոն» ՀԿ-ի նախագահ Սիլվա Ադամյանը: Ըստ նրա` մարզադաշտի համար հատկացված 12 հա հողատարածքի 6-7 հա տարածքում խիտ այգիներ են: Քաղաքապետը 28 այգետերերին հետ զրույցում ասել է, որ պատրաստեն այգիների սեփականաշնորհման համապատասխան փաստաթղթերը, եւ որ այդ հարցերով կզբաղվի Շենգավիթի համայնքապետը:
Սակայն, ինչպես տեղեկացնում է Սիլվա Ադամյանը, Շենգավիթի համայնքապետ Արմեն Սարգսյանը հայտարարել է, որ այգեգործների տնկած այգիները պետք է աճուրդով վաճառեն նրանց վրա: Բնակիչները նամակ են պատրաստում, որ դիմեն ՀՀ մարդու իրավունքի պաշտպանին:
Լուսանկարը` Սիլվա Ադամյանի
Մայիս 25, 2012 at 15:31