ԷկոԼուր
Բնապահպանական տեսչության, սեպտեմբերի 18-19-ը ժամանակահատվածում իրականացված ստուգումների արդյունքում, խախտման տուգանքների գումարը կազմել է 2.48 մլն դրամ: Այս մասին տեղեկացնում է ՀՀ բնապահպանության նախարարությունը: Այս գումարի 2.38 մլն դրամը արդեն վճարվել է պետբյուջե: Վնասը գնահատվել է 1.32 միլիոն դրամ:
Ինչպես երևում է հայտարարությունից, ջրերի պահպանության ոլորտում`ջրերի վերահսկողության բաժնի կողմից 2 տնտեսվարողների մոտ ստուգումների արդյունքում կայացվել է 200.0 հազ.դր. ընդհանուր գումարով վարչական տուգանքի 2 որոշում:
Մթնոլորտային օդի պահպանության ոլորտում` Երևանի ՏԲ կողմից ահազանգի արդյունքում իրականացված ուսումնասիրության արդյունքում հայտնաբերված խախտումների համար 4 ֆիզիկական անձի նկատմամբ կայացվել է 200.0 հազ.դր ընդհանուր գումարի վարչական տուգանքի 4 որոշում և հաշվարկվել է 302.0 հազ.դր ընդհանուր գումարի շրջակա միջավայրին հասցված վնաս:
Բուսական աշխարհի պահպանության ոլորտում` Շիրակի ՏԲ կողմից աշխատակիցների կողմից հայտնաբերված դեկորատիվ ծառերի ապօրինի հատման համար 2 ֆիզիկական անձի նկատմամբ կայացվել է 150.0 հազ.դր ընդհանուր գումարով վարչական տուգանքի 2 որոշում և հաշվարկվել է 217.5 հազ.դր ընդհանուր գումարի բնությանը հասցված վնաս:
Լոռու ՏԲ կողմից հայտնաբերված ապօրինի ծառահատման համար 1 ֆիզիկական անձի նկատմամբ կայացվել է 50.0 հազ.դր գումարի չափով վարչական տուգանքի որոշում:
Արարատի ՏԲ կողմից հայտնաբերված ապօրինի ծառահատման համար 1 ֆիզիկական անձի նկատմամբ կայացվել է 50.0հազ.դր գումարի չափով վարչական տուգանքի որոշում և հաշվարկվել է 120.0 հազ.դր գումարի բնությանը հասցված վնաս:
Տավուշի ՏԲ վարույթին հանձնված ապօրինի ծառահատման 11գործով կայացվել է 550.0հազ.դր ընդհանուր գումարով վարչական տուգանքի 11 որոշում:
Սյունիքի ՏԲ վարույթին հանձնված ապօրինի ծառահատման 2 գործով կայացվել է 100.0հազ.դր ընդհանուր գումարով վարչական տուգանքի 2 որոշում:
Հողերի պահպանության ոլորտում` Արագածոտնի ՏԲ աշխատակիցների կողմից իրականացված շրջայցերի ընթացքում արձանագրված խախտման համար 1 ֆիզիկական անձի նկատմամբ կայացվել է 50.0 հազ.դր գումարի վարչական տուգանքի որոշում և հաշվարկվել է 100.0 հազ.դր գումարի շրջակա միջավայրին հասցված վնաս:
Հոկտեմբեր 03, 2012 at 18:27