ԷկոԼուր
Հայ Ազգային կոնգրեսից ՀՀ ԱԺ պատգամավոր Արամ Մանուկյանը «Lydian International» ընկերության կողմից (ի դեմս «Գեոթիմ» ՓԲԸ տեղական ընկերության) Ամուլսարի ոսկու հանքավայրի շահագործման նախագծի վերաբերյալ հարցում է ուղարկել ՀՀ մշակույթի նախարար Հասմիկ Մկրտչյանին: Հարցման մեջ մասնավորապես ասված է. «1. Վայոց Ձորի մարզի Ամուլսար լեռան տարածքում պատմության և մշակույթի ինչպիսի՞ հուշարձաններ են հայտնաբերվել, հաշվառվել և ուսումնասիրվել.
2. Տեղեկատվություն տրամադրել նշված տարածքում հաշվառված հուշարձանների պահպանական գոտիների նախագծերի և դրանց պահպանության ռեժիմի մասին.
3. Ո՞ր գերատեսչությունն է Ամուլսարի տարածքում իրականացրել հնէաբանական պեղումներ.
4. Ինչպիսի՞ պայմանագրային ժամկետներում են իրականացվել պեղումները և ո՞վ է պատվիրատուն.
5. Պատմության և մշակույթի ինչպիսի հուշարձաններ կամ գտածոներ են հայտնաբերվել նշված տարածքում և ինչպիսի՞ պատմամշակութային արժեք են դրանք ներկայացնում»: Նաեւ պատգամավորը Մշակույթի նախարար Հասմիկ Պողոսյանից խնդրում է տրամադրել ֆինանսական հաշվետվություն պեղումներն իրականացնելու համար կատարված վճարումների վերաբերյալ եւ տեղյակ պահել քննարկման տեղի և ժամանակի մասին` հարցի քննարկմանը մասնակցելու համար:
Դեկտեմբեր 12, 2012 at 11:29