ԷկոԼուր
Ինչի՞ վրա են ծախսվում պետական միջոցները, որոնք տրամադրվում են Սեւանա լճի պահպանման համար: Այս հարցն անհանգստացնում է հասարակական կազմակերպություններին, անհանգստացնում է նաեւ Սեւանա լճի ափամերձ համայնքների բնակիչներին: Դեկտեմբերի 15-ին «Սեւան» ազգային պարկի թանգարանում տեղի ունեցավ քննարկում` նվիրված Սևանա լճի էկոհամակարգերի վերականգնման, պահպանման, վերարտադրման, բնականոն զարգացման և օգտագործման միջոցառումների 2013 թվականի տարեկան ծրագրին: Քննարկման շրջանակներում տեղի ունեցավ «ԷկոԼուր»-ի «Ով կգոյատեւի Սեւանում» ֆիլմի շնորհանդեսը: Ֆիլմը նկարահանվել է ափամերձ 40 համայնքների բնակիչների հետ հանդումների հիման վրա: Հիմնական խնդիրները նույնն են մնացել: Սեւանի պահպանման համար բյուջետային միջոցները ծախսվում են, բայց արդյունքները համարժեք չեն ձեռնարկված միջոցառումներին:
Էնդեմիկ իշխանի պոպուլիացիայի վերականգնման համար տարեկան բյուջեից ծախսվում է 60 000 000 դրամ, ափերի մաքրման համար` 125 000 000 դրամ: Սակայն ափերը չեն մաքրվում պատշաճ կերպով, իսկ ձուկ Սեւանում գործնականում չկա: Իրենց հերթին տեղի բնակիչները, ովքեր առաջարկում են առանց ծախսերի լուծումներ, ներգրավված չեն ոչ մի ծրագրում:
«…Երբ 2005թ-ին մեր ձկնորսները դիմեցին նախագահին կոչով` միջոցներ ձեռնարկել եւ կանգնեցնել ձկնագողությունը, այն ժամանակ պաշարները հնարավոր էր փրկել: Իսկ հիմա դրանք չկան…Երբ խոսում են ջրի մաքրության մասին, որ ջրի որակը լավացել է, դա այն պատճառով էր, որ մակարդակը բարձրացել էր: Բայց կառավարությունը դրա համար ոչինչ չարեց: Արփա-Սեւան թունելը չի օգտագործվում, իսկ Որոտանի թունելը գործարկվել է ընդամենը մեկ անգամ, երբ այն փորձարկում էին:…Փոքր ՀԷԿ-երը ոչնչացնում են ձուկը… Ու՞ր են գնում այդ պետական միջոցները: Դրանք մեր փողերն են, եւ մենք գաղափար չունենք, թե ինչի վրա են դրանք ծախսվում…»:
Դեկտեմբեր 17, 2012 at 12:53