Սույն թվականի դեկտեմբերի 4-ին հրդեհ է բռնկվել «Դիլիջան ազգային պարկ» ՊՈԱԿ-ի 3-րդ պահաբաժնում։ Այս մասին հայտնում է ՀՀ ներքին գործերի նախարարության Փրկարար ծառայությունը:
Դեպքի վայր մեկնած փրկարարական ծառայողները պարզել են, որ ազգային պարկի առավել դժվարամատչելի և բարդ ռելիեֆով հատվածում՝ մոտ 3 հա տարածքում, այրվում են խաշամ և փայտի թափուկներ։ Հրդեհաշիջման աշխատանքները բարդացել են ուժգնացող քամու պատճառով: Տեղում ձեռնարկվում են բոլոր միջոցառումները հրդեհի հետագա տարածումը կանխելու համար:
Դեպքի վայրում աշխատում են 123 փրկարարական ծառայող, «Դիլիջան ազգային պարկ» ՊՈԱԿ-ի 28 աշխատակից։
Դեկտեմբեր 04, 2023 at 17:07