«Ջին Հոլդինգ Լիմիթիդ» ՍՊԸ-ն չի հրաժարվում ՀՀ Լոռու մարզի Ստեփանավանի հանքային շրջանի Ուռուտի հանքային դաշտի տեղամասում (բազմամետաղ) երկրաբանահետախուզական աշխատանքներ իրականացնելու մտադրությունից:
Լոռի Բերդի համայնքապետարանի պաշտոնական կայքում հրապարակված հայտարարության համաձայն՝ ընկերությունը նախատեսում է սույն թվականի օգոստոսի 10-ին՝ ժամը 12:00-ին, Ուռուտ բնակավայրում 2021-2024թթ. երկրաբանահետախուզական ուսումնասիրության աշխատանքների և շրջակա միջավայրի վրա ազդեցության նախնական գնահատման (ՇՄԱԳ) հայտի վերաբերյալ հանրային բաց լսումների առաջին փուլն անցկացնել:
Համայնքի համաձայնությունը ստանալու դեպքում Ընկերությունը կկարողանա ՇՄԱԳ հայտ ներկայացնել բնապահպանական փորձաքննության:
Հիշեցնենք, որ 2021թ. մայիսին ուռուտցիներն արդեն մեկ անգամ մերժել են ընկերության կողմից նույնատիպ հանրային քննարկման անցկացման փորձը:
Օգոստոս 05, 2021 at 16:22