Հասարակական կազմակերպությունը մտադիր է ԶՊՄԿ-ի սեփականատիրոջից` գերմանական «Chronimet» ընկերությունից պահանջել «վերջ դնել բարբարոսական վերաբերմունքին հասարակ ժողովրդի և բնության նկատմամբ»

Հասարակական կազմակերպությունը մտադիր է ԶՊՄԿ-ի սեփականատիրոջից` գերմանական «Chronimet» ընկերությունից պահանջել «վերջ դնել բարբարոսական վերաբերմունքին հասարակ ժողովրդի և բնության նկատմամբ»

ԷկոԼուր

Ինչպես «ԷկոԼուր»-ին տեղեկացրեցին «Էկոլոգիական Անվտանգության Ապահովման        և Ժողովրդավարության Զարգացման» ՀԿ-ից, ՀԿ-ն մտադիր է դիմել Զանգեզուրի պղնձամոլիբդենային կոմբինատի ամենամեծ բաժնետեր գերմանական «Chronimet» ընկերությանը` պահանջելով վերջ դնել բարբարոսական վերաբերմունքին հասարակ ժողովրդի և բնության նկատմամբ:

Խոսքն առաջին հերթին Արծվանիկի պոչամբարի մասին է, որը շահագործում է ԶՊՄԿ-ն: Պոչամբարի խնդիրներով, ինչպես հայտնում է կազմակերպությունը, չի զբաղվում ոչ ՀՀ բնապահպանության նախարարությունը, ոչ ԶՊՄԿ-ն: ՀԿ-ի գրավոր դիմումում ընդգծված է, որ խոսքը կարող է լինել խոշոր կորպորատիվ ռիսկերի մասին:

Ահա հարցերը, որոնք անհանգստացնում են հասարակայնությանը, եւ որոնց համար նա պատասխան չի ստացել ՀՀ բնապահպանության նախարարությունից, մասնավորապես`  Արծվանիկի թափոնավայրն ունի՞ անձնագիր` տրված բնապահպանության նախարարության կողմից, ի՞նչ իրավական փաստաթղթերով է հիմնավորված թափոնավայրի շրջակա մեծաքանակ անտառների ոչնչացումը եւ այլն:

Կազմակերպությունը նշում է, որ թեպետ նախարարությունը չի պատասխանել այս եւ այլ հարցերի, բայց, այնուամենայնիվ, իրենք պատասխան ստացել են ԶՊՄԿ-ի տնօրեն Մաքսիմ Հակոբյանից: ԶՊՄԿ-ի նամակում մասնավորապես ասված է, որ Արծվանիկի պոչամբարի պոչերը համարվում են ոչ վտանգավոր, քանի որ, ՀՀ օրենսդրության համաձայն, նրանց համար անձնագիր չի պահանջվում:

Մայիս 13, 2011 at 13:29


Առնչվող նյութեր


Կատեգորիա

ավելին
պակաս

Մարզեր