ԷկոԼուր
«Նորաշենիկ գետի աղտոտման հարցով ինչո՞ւ արձագանք չի եղել,- դեկտեմբերի 26-ի մամուլի ասուլիսի ժամանակ իր աշխատակիցներին դիմեց Բնապահպանության նախարար Արամ Հարությունյանը,- Հիմա ասուլիսից հետո ճշտեք եւ ասեք, թե ինչու աձագանք չի եղել»: Խոսքը «կանաչ» ակտիվիստների կողմից մամուլում տարածված Սյունիքի մարզի Նորաշենիկ գետի`հանքարդյունաբերական տոքսիկ թափոններով աղտոտման մասին է: Ակտիվիստների ներկայացրած նյութերը մեծ իրարանցում էին առաջացրել: «ԷկոԼուր»-ը հարցրեց նախարարին, թե արդյոք ահազանգից հետո անցկացվել են Նորաշենիկ գետի աղտոտման վերաբերյալ ուսումնասիրություններ, ինչպիսին է շրջակա միջավայրին պատճառված վնասի չափը, եւ որ ընկերություններն են պատասխանատվություն կրում արտանետումների համար:
Սակայն հարցը մնաց անպատասխան:
Մեր կողմից նշենք, որ Նորաշենիկ գետի աղտոտումը պատահական երեւույթ չէ այլ պարբերական: Արդյունքում Սյունիք գյուղը, որի տարածքով անցնում է գետը, կարելի է համարել էկոլոգիական աղետի վայր:
Դեկտեմբեր 26, 2012 at 16:03