ԱրմԻնֆո
Թուրք պատգամավորների խումբը Թուրքիայի խորհրդարանի խոսնակին է ներկայացրել ռիսկերի ուսումնասիրության հետ կապված հանձնաժողով ստեղծելու մասին մի համատեղ առաջարկ, թե ինչպիսի վտանգ է Թուրքիայի համար իրենից ներկայացնում է Հայաստանի ատոմակայանը: Այս մասին է գրում թուրքական «Զաման» թերթը:
Առաջարկում նշվում է. «Կայանը գտնվում է Թուրքիայի սահմանից 16 կմ հեռավորության վրա, սեյսմիկ գոտում: 1988 թվականի ավերիչ երկրաշարժից հետո, երբ զոհվեց 25 հազար մարդ, կայանը շատ էր վնասվել և հաջորդ 3 ամիսներին ռադիացիայի արտահոսք էր տեղի ունենում: Հայաստանի իշխանությունները փակեցին կայանը, բայց հետագայում այն նորից վերաբացվեց»:
Թուրք պատգամավորների առաջարկում Հայաստանի իշխանություններին կոչ է արվում փակել Հայկական ԱԷԿ-ը` «տարածաշրջանային անվտանգության նկատառումներից ելնելով», հավելելով, որ Թուրքիայի խորհրդարանը երկրի արևելյան նահանգների պոտենցիալ ռիսկերը գնահատելու, ինչպես նաև «1988 թվականի երկրաշարժի բացասական ազդեցությունն ընդհանուր տարածաշրջանում ուսումնասիրելու» նպատակով պետք է ստեղծի համապատասխան կառույց, ասվում է առաջարկում:
Մայիս 17, 2012 at 15:59