ԷկոԼուր
Ապրիլի 18-ին գործադիրի հավանությանը կներկայացվի «Հայաստանի Հանրապետության կառավարության և Բելառուսի Հանրապետության կառավարության միջև ատոմային էներգիայի խաղաղ օգտագործման նպատակով համագործակցության մասին» համաձայնագրի կնքման առաջարկությանը համաձայնություն տալու մասին որոշման նախագիծը: Այն կներկայացնի ՀՀ էներգետիկայի եւ բնական պաշարների նախարար Արմեն Մովսիսյանը:
Այս ոլորտում Հայաստանի Հանրապետության հետ համաձայնագիր ստորագրելու առաջարկը ստացվել է բելառուսական կողմից: Ըստ համաձայանգրի նախագծի` կողմերը կիրականացնեն համագործակցություն հետևյալ ուղղություններով.
- «Կողմերի տարածքում միջուկային էներգաբլոկների կառուցում, դրանց անվտանգ շահագործում և տեխնիկատնտեսական ցուցանիշների բարելավում,
- ԱԷԿ-ների անվտանգության ապահովում, ԱԷԿ-ների հիմնական սարքավորումների ախտորոշման և վերահսկման, շահագործման, վթարների վերացման համակարգերի զարգացում և կատարելագործում,
- Օգտագործած միջուկային վառելիքի վերամշակում և պահպանում,
- Ռադիոակտիվ թափոնների կառավարում,
- Ռադիոակտիվ ճառագայթման աղբյուրների պահպանում,
- շրջակա միջավայրի պահպանություն,
- համաձայնեցված ծրագրերով կադրերի պատրաստում Կողմերի բարձրագույն ուսումնական հաստատություններում և ուսումնավարժական կենտրոններում,
- մասնագետների և գիտնականների փոխանակում համագործակցության շրջանակներում առանձին ծրագրերի իրականացման և ներդրման համար
- հիմնարար և կիրառական հետազոտությունների զարգացում գիտության և տեխնիկայի բնագավառում,
- փորձի փոխանակում ատոմային էներգետիկայի օգտագործման տնտեսական արդյունավետության ապահովման բնագավառում,
- միջուկային նյութերի և տեխնոլոգիաների կիրառում բժշկության, արդյունաբերության և գյուղատնտեսության բնագավառներում,
- տեղեկացում հասարակությանն ատոմային էներգիայի օգտագործման հարցերում,
- միջուկային էներգետիկայի բնագավառի համար անհրաժեշտ սարքավորումների և պահեստամասերի արդյունաբերական արտադրության կազմակերպման հարցերում,
- միջուկային նյութերի հաշվառում և վերահսկում, ատոմային էներգետիկայի օբյեկտների և օգտագործված ռադիոակտիվ ճառագայթման աղբյուրների պահեստարանների ֆիզիկական պաշտպանության իրականացում,
- սույն Համաձայնագրի շրջանակներում Կողմերի միջև փոխհամաձայնեցված այլ համագործակցության:
Ապրիլ 17, 2013 at 16:41