6000-ից ավելի պատվաստված և 120-ից ավելի որդեգրված շուն 2 տարվա ընթացքում

6000-ից ավելի պատվաստված և 120-ից ավելի որդեգրված շուն 2 տարվա ընթացքում

2019թ. ստեղծված Երևանի քաղաքապետարանի «Թափառող կենդանիների վնասազերծման կենտրոն» ՀՈԱԿ-ը նախորդ 2 տարիների իր գործունեության ընթացքում ստերջացրել, կատաղություն հիվանդության դեմ պատվաստել և կլիպսավորել է 6000-ից ավելի շուն, 120-ից ավելիին՝ հանձնել որդեգրության։ Այս մասին տեղեկացնում է «Թափառող կենդանիների վնասազերծման կենտրոն» ՀՈԱԿ-ի հանրության հետ կապերի բաժինը:
 
Ստերջացման աշխատանքներին զուգահեռ կենտրոնն իրականացնում է շների շրջանում հատուկ վտանգավոր հիվանդությունների օջախների բացահայտում, վերացում և հետագա վերահսկողություն։ 

«Թափառող կենդանիների վնասազերծման կենտրոն» ՀՈԱԿ-ի ստեղծմանը հաջորդել է շների կողմից մարդկանց կծման դեպքերի անմիջական և օպերատիվ հավաքագրման համակարգ, որը համագործակցում է մայրաքաղաքային պոլիկլինիկաների հետ։ 

Ըստ պաշտոնական հաղորդագրության՝ ՀՈԱԿ-ի կլինիկան մասնագիտական ռեկորդներ է գրանցել․ ստերջացման վիրահատություններ են իրականացրել մինչև 1 սմ երկարություն ունեցող կտրվածքով, ռեկորդային արագությամբ ստերջացման վիրահատություններ են կատարվել՝ 7-8 րոպե տևողությամբ։ 

Կենտրոնից նաև տեղեկացնում են, որ կունենան ընդունելության օրեր, որոնց ընթացքում քաղաքացիները կարող են հանդիպել կենտրոնի տնօրեն Հրաչյա Աղաբեկյանին:

Լուսանկարը՝ «Թափառող կենդանիների վնասազերծման կենտրոն» ՀՈԱԿ-ի

Մարտ 17, 2021 at 13:37


Առնչվող նյութեր


Կատեգորիա

ավելին
պակաս

Մարզեր