ՀՀ կառավարությունը 2025թ․ օգոստոսի 28-ի նիստում հավանություն տվեց «Հայաստանի Հանրապետության և Վերակառուցման և զարգացման միջազգային բանկի միջև «Նաիրիտ» գործարանի բնապահպանական վերականգնման և ռեգեներացիայի ծրագրի նախապատրաստման համար դրամաշնորհի նամակ-համաձայնագրի հաստատման մասին» ՀՀ նախագահի հրամանագրի նախագծին։
Վերակառուցման և զարգացման միջազգային բանկը նախատեսում է տրամադրել 1,5 միլիոն ԱՄՆ դոլարի դրամաշնորհ, որը կուղղվի «Նաիրիտ» քիմիական գործարանում առկա սարք-սարքավորումների և քիմիական թափոնների վնասազերծման աշխատանքների իրականացման համար։ Գործունեության նպատակն է գործարանի տարածքում շրջակա միջավայրի վիճակի բարելավումը, ինչպես նաև հանրային առողջությանը սպառնացող ռիսկերի նվազեցումը։
Դրամաշնորհի շրջանակում իրականացվելիք աշխատանքները ներառում են չորս բաղադրիչ։
Մաս Ա. Նախագծում և տեխնիկական գնահատում
- քիմիական նյութերի գույքագրում և բնութագրում
- հեռացման, չեզոքացման և մշակման տարբերակներ
- կարգավորող և բնապահպանական նորմերի համապատասխանություն
- տեխնիկական, գործառնական և տնտեսական գնահատում
- իրականացման ռազմավարություն և առաջարկություններ
- հողի և ստորգետնյա ջրերի աղտոտվածության բացահայտում
Մաս Բ. Բնապահպանական և սոցիալական ռիսկերի գնահատում
- Ծրագրի բնապահպանական և սոցիալական ազդեցության գնահատման նախապատրաստում
- Ծրագրի վտանգների վերլուծության և շահագործման պլանի նախապատրաստում
- շահագրգիռ կողմերի ներգրավման իրականացում
Մաս Գ. Կարողությունների զարգացում
- դրամաշնորհ ստացողի, համապատասխան գործակալությունների և գործարանի աշխատակազմի համար վերապատրաստման անցկացում
Մաս Դ. Իրականացման հարցերով հատուկ խմբի (ԻՀԽ) ստեղծում
- Համաձայնագրով միջոցների առհանման վերջնաժամկետ է սահմանվել՝ 2026թ․ դեկտեմբերի 31-ը։
Սեպտեմբեր 01, 2025 at 14:21