Տավուշի մարզի դատախազության հայցերի հիման վրա «Դիլիջան» ազգային պարկի տարածքում գտնվող՝ ընդհանուր 1.75 հեկտար մակերեսով երկու հողատարածք վերադարձվել է Հայաստանի Հանրապետության տիրապետմանը։ Այս մասին հայտնում են ՀՀ դատախազությունից։
Տավուշի մարզի դատախազությունը Հակակոռուպցիոն դատարան էր դիմել՝ պահանջելով հարկադիր կերպով դադարեցնել երկու ֆիզիկական անձանց պատկանող հողամասերի կառուցապատման իրավունքը։ 0.5 հեկտար և 1.25 հեկտար մակերեսով հողատարածքների շուկայականին մոտարկված կադաստրային արժեքը կազմում է 119.6 միլիոն դրամ։
Հակակոռուպցիոն դատարանի՝ 2026թ․ հուլիսի 23-ի և 24-ի վճիռներն օրինական ուժի մեջ են մտել, ինչի արդյունքում նշված հողատարածքները վերադարձվել են Հայաստանի Հանրապետության տիրապետմանը։
Սեպտեմբեր 15, 2026 at 12:00