Հայաստանի սահմանամերձ, լեռնային, բարձրլեռնային եւ հեռավոր շրջանների համայնքային հողերի գները կիջեցվեն

Հայաստանի սահմանամերձ, լեռնային, բարձրլեռնային եւ հեռավոր  շրջանների համայնքային հողերի գները կիջեցվեն

ԱՌԿԱ

Հայաստանի սահմանամերձ, լեռնային, բարձրլեռնային եւ հեռավոր  շրջանների համայնքներում պետական եւ համայնքային սեփականություն համարվող օտարվող հողային տարածքների աճուրդի մեկնարկային գինը կադաստրային արժեքից կիջեցվի 50%-ից մինչեւ 30%:

Հոկտեմբերի 4-ին ՀՀ Ազգային Ժողովում «Հողային օրենսգրքում» առաջին ընթերցմամբ մտցվեցին նման ուղումներ:

«Այդ հողերի համար պետք է օտարման այլ մեխանիզմներ կիրառվեն, քանի որ դրանք այդքան էլ գրավիչ չեն ներդրումների կամ գնման համար: Կարճ ասած, դրանց գներն ավելի ցածր կլինեն, որպեսզի դրանք գնեն»,- օրինագիծը ներկայացնելով` ասաց Հայաստանի արդարադատության նախարար Հրայր Թովմասյանը:

Բացի այդ, Ազգային ժողովն առաջին ընթերցմամբ մի շարք լրացումներ ընդունեց «Տեղական ինքնակառավարման մասին» օրենքում, որի համաձայն, համայնքային հողերի օտարման կամ վարձակալման վերաբերյալ ավագանիների որոշումներում պետք է հստակ նշվեն տարածքների գտնվելու վայրը, ընդգրկած տարածքը, նպատակային ուղղվածությունը, կատեգորիան, ինչպես նաեւ  գործառնական նշանակությունը:

Հոկտեմբեր 11, 2011 at 13:27


Առնչվող նյութեր


Կատեգորիա

ավելին
պակաս

Մարզեր