ՙՙԷկոԼուր
«Խոսրովի անտառ»պետական արգելոցը եվրոպական դիպլոմի թեկնածու է: Հայտը ներկայացրել է Բնապահպանության նախարարությունը եւ 2011թ. սկսվել են այդ ուղղությամբ տարվող աշխատանքները: 2011թ. նոյեմբերի ամսին «Բնապահպանական ծրագրերի իրականացման գրասենյակ»-ի կողմից կոնվենցիայի քարտուղարությանն է ներկայացրել Հայաստանի հայտը` «Խոսրովի անտառ» պետական արգելոցը Եվրախորհրդի պահպանվող տարածքի դիպլոմի առաջադրման վերաբերյալ: 2012 թվականի ապրիլին Հայաստան է գործուղվել անկախ փորձագետ Հերվե Լեթյերը «Խոսրովի անտառ» պետական արգելոցի առկա վիճակի և ներկայացվող հայտին համապատասխանելու վերաբերյալ անկախ գնահատում իրականացնելու և զեկույց պատրաստելու նպատակով: Եվրախորհրդի փորձագետը «Խոսրովի անտառ» արգելոցում կազմակերպել է պահպանվող տարածքներին ներկայացվող եվրոպական չափանիշներին ու պահանջներին վերաբերող 2-օրյա աշխատանքայի սեմինար, որին մասնակցել են նախարարության, արգելոցի, «ԲԾԻԳ»ՊՀ-ի, համայնքների և Հ/Կ-ների ներկայացուցիչներ, ապա` 3 օր ինքնուրույն, առանց մեր մասնագետների միջամտության, ուսումնասիրություններ է իրականացրել արգելոցում: Արդյունքում պատրաստվել է զեկույց, որը ներկայացվել է Եվրախորհրդի ՙՓորձագետների խորհրդի մասնագիտական հանձնաժողովին՚: Հանձնաժողովը հավանություն է տվել զեկույցին և կայացրել որոշում` «Խոսրովի անտառ»պետական արգելոցի եվրադիպլոմի հայտը ներկայացնելու կոնվենցիայի բյուրոյի քննարկմանը:
Համաձայն Եվրախորհրդի ընթացակարգի, բյուրոյի կողմից երաշխավորվելուց հետո դիպլոմի տրամադրման որոշումը կայացնելու է Եվրախորհրդի նախարարների կոմիտեն:
Դիպլոմը տրվում է մինչև 5 տարի ժամկետով, այն թարգմանվում է Եվրախորհրդի աշխատանքային 2 լեզուներով` անգլերեն և ֆրանսերեն, հանձնվում է երկրում` եվրախորհրդի ներկայացուցչի կողմից:
Այս մասին տեղեկացնում է Բնապահպանության նախարարության հասարակայնության հետ կապերի բաժինը:
Ապրիլ 04, 2013 at 15:18