

ԷկոԼուր
ՀՀ բնապահպանության նախարարության աշխատակիցները 02-06.06.2014թ. ժամանակահատվածում անցկացրած ստուգայցերի արդյունքում կայացրել են 2.43 միլիոն դրամ ընդհանուր գումարի վարչական տուգանքի 31 որոշում և հաշվարկել 1.53 միլիոն դրամ ընդհանուր գումարի շրջակա միջավայրին հասցված վնաս: Այս մասին տեղեկացնում է ՀՀ բնապահպանության նախարարության տեղեկտվաության եւ հասարակայնության հետ կապերի վարչությունը:
Ընդհանուր առմամբ ՀՀ բնապահպանության նախարարության կիրառած պատժամիջոցներից պետական բյուջե հաշվետու ժամանակահատվածում մուտք է եղել 1.28 միլիոն դրամ գումար:
Մասնավորապես` Տավուշի տարածքային բաժնի աշխատակիցների շրջայցերի ընթացքում հայտնաբերած ապօրինի ծառահատման երկու դեպքի քննության արդյունքում կայացվել է 100.0 հազար դրամ ընդհանուր գումարի վարչական տուգանքի որոշումներ և հաշվարկվել է 357.41 հազար դրամ գումարի շրջակա միջավայրին հասցված վնաս:
Լոռու տարածքային բաժնի վարույթին հանձնված ապօրինի ծառահատման երկու գործի քննության արդյունքում ֆիզիկական անձանց նկատմամբ կայացվել է 100.0 հազար դրամ ընդհանուր գումարի վարչական տուգանքի երկու որոշում և հաշվարկվել է 46.5 հազար դրամ ընդհանուր գումարի շրջակա միջավայրին հասցված վնաս:
Շիրակի տարածքային բաժնի աշխատակիցների շրջայցերի ընթացքում հայտնաբերած խեցգետնի ապօրինի որսի դեպքի համար ֆիզիկական անձի նկատմամբ կայացվել է 50.0 հազար դրամ գումարի վարչական տուգանքի որոշում: Առգրավվել է երեք խեցգետնաորսիչ և 3.0կգ կենդանի խեցգետին, ինչը սահմանված կարգով բաց է թողնվել ջրամբար: Արարատի տարածքային բաժնի աշխատակիցների շրջայցերի ընթացքում առգրավված տիրազուրկ հրացանը սահմանված կարգով հանձնվել է ՀՀ ոստիկանության Վեդու բաժին:
Երևանի տարածքային բաժնի աշխատակիցների հայտնաբերած հողերի պահպանության նորմերի խախտման դեպքի համար ֆիզիկական անձի նկատմամբ կայացվել է 50.0 հազար դրամ գումարի վարչական տուգանքի մեկ որոշում և հաշվարկվել է 15.0 հազար դրամ գումարի շրջակա միջավայրին հասցված վնաս: Արագածոտնի տարածքային բաժնի աշխատակիցների շրջայցերի ընթացքում հայտնաբերած նմանատիպ խախտման դեպքի համար ֆիզիկական անձի նկատմամբ կայացվել է 30.0 հազար դրամ գումարի վարչական տուգանքի որոշում, իսկ Տավուշի տարածքային բաժնի աշխատակիցների հայտնաբերած խախտման դեպքի համար կայացվել է 50.0 հազար դրամ գումարի վարչական տուգանքի որոշում և հաշվարկվել է 60.0 հազար դրամ գումարի շրջակա միջավայրին հասցված վնաս:
Երևանի և Կոտայքի տարածքային բաժինների աշխատակիցների հայտնաբերած առանց անթափանց ծածկոցի սորուն նյութի տեղափոխման մեկական դեպքի քննության արդյունքում ֆիզիկական անձանց նկատմամբ կայացվել է 50.0 հազարական դրամի վարչական տուգանքի որոշումներ:
Երևանի տարածքային բաժնի աշխատակիցների շրջայցերի արդյունքում հայտնաբերած փայտանյութի ապօրինի տեղափոխման համար կայացվել է 500.0 հազար դրամ ընդհանուր գումարի վարչական տուգանքի հինգ որոշում և հաշվարկվել է 420.0 հազար դրամ ընդհանուր գումարի շրջակա միջավայրին հասցված վնաս: Շիրակի տարածքային բաժնի հայտնաբերած նմանատիպ խախտման դեպքի համար կայացվել է 100.0 հազար դրամ գումարի վարչական տուգանքի որոշում և հաշվարկվել է 30.0 հազար դրամ գումարի շրջակա միջավայրին հասցված վնաս:
Արարատի տարածքային բաժնի աշխատակիցների հայտնաբերած փայտանյութի ապօրինի տեղափոխման դեպքի համար կայացվել է 100.0 հազար դրամ գումարի վարչական տուգանքի որոշում և հաշվարկվել է 30.0 հազար դրամ գումարի շրջակա միջավայրին հասցված վնաս: Մեկ գործ քրեական հանցագործության կասկածանքով ուղարկվել է ՀՀ ոստիկանության Արտաշատի բաժին:
Գեղարքունիքի տարածքային բաժնի հայտնաբերած նույն խախտման վեց դեպքի համար կայացվել է 600.0 հազար դրամ ընդհանուր գումարի վարչական տուգանքի 6 որոշում և հաշվարկվել է 360.0 հազար դրամ ընդհանուր գումարի շրջակա միջավայրին հասցված վնաս, իսկ Արագածոտնի տարածքային բաժնի հայտնաբերած խախտման երկու դեպքերի համար կայացվել է 200.0 հազար դրամ ընդհանուր գումարի վարչական տուգանքի որոշումներ և հաշվարկվել է 120.0 հազար դրամ ընդհանուր գումարի շրջակա միջավայրին հասցված վնաս:
Կոտայքի տարածքային բաժնի հայտնաբերած փայտանյութի ապօրինի տեղափոխման երեք դեպքի քննության արդյունքում կայացվել է 300.0 հազար դրամ ընդհանուր գումարի վարչական տուգանքի երեք որոշում և հաշվարկվել է 90.0 հազար դրամ ընդհանուր գումարի շրջակա միջավայրին հասցված վնաս:
Բնապահպանական և բնօգտագործման վճարի եռամսյակային հաշվետվությունները սահմանված ժամկետում չներկայացնելու համար` Երևանի տարածքային բաժնի կողմից երեք տնտեսվարողի նկատմամբ կայացվել է 150.0 հազար դրամ ընդհանուր գումարի վարչական տուգանքի որոշումներ:
Հունիս 09, 2014 at 16:40
