Այսուհետ բնապահպանական ծրագրերի վերաբերյալ առաջարկություններն ու առարկությունները պետական մարմինները կքննարկեն դրանք ներկայացրած ՀԿ-ների հետ

Այսուհետ բնապահպանական ծրագրերի վերաբերյալ առաջարկություններն ու առարկությունները պետական մարմինները կքննարկեն դրանք ներկայացրած ՀԿ-ների հետ

ԷկոԼուր

Հունիսի 19-ին գործադիրը հաստատեց Բնապահպանական ծրագրերի մշակման և իրականացման գործընթացին վերջնական սպառողի մասնակցության ապահովման կարգը, որով կարգավորվում են այդ գործընթացի իրավահարաբերությունները:

Նոր կարգի համաձայն՝

  • բնապահպանական ծրագրեր իրականացնող պետական մարմիններն այդ ծրագրերի և դրանց իրականացման մասին հասարակությանն իրազեկում են համապատասխան համայնքների ղեկավարներին տրամադրելով վերոգրյալ ծրագրերին վերաբերող փաստաթղթերը: Հասարակությունը իրազեկվում է  azdarar.am կայքում հրապարակային ծանուցման միջոցով, ծրագրերի և նախագծերի ցուցադրման միջոցառումներով, հրապարակումներով, տեղական ինքնակառավարման մարմինների ինտերնետային կայքերում տեղադրմամբ, հասարակական քննարկումներով
  • հասարակայնության ներկայացուցիչները հանրային լսումների կամ քննարկումների արդյունքներով, նորմատիվ և այլ իրավական ակտերով հիմնավորված առարկությունները, առաջարկությունները, ինչպես նաև հրապարակված բնապահպանական ծրագրերի նախագծային փաստաթղթերի վերաբերյալ սեփական միջոցներով կատարված անկախ փորձաքննության եզրակացությունները գրավոր ներկայացնում են համապատասխան համայնքի ղեկավարին
  • առարկությունները, առաջարկությունները, ինչպես նաև անկախ փորձաքննության եզրակացությունները քննարկվում են բնապահպանական ծրագրեր իրականացնող պետական մարմինների կողմից դրանք ստանալուց հետո` մեկամսյա ժամկետում, դրանք ներկայացրած հասարակական և այլ կազմակերպությունների ներկայացուցիչների մասնակցությամբ
  •  Հայաստանի Հանրապետությունում բնապահպանական ծրագրերի  իրականացման գործընթացին վերջնական սպառողի մաս­նակ­ցությունն  ապահովելու նպատակով բնապահպանական ծրագրերի իրականացման արդյունքների ընդունման համար ծրագիրն իրականացնող պետական մարմնի ղեկավարի որոշմամբ    ստեղծվում է տվյալ ծրագրի արդյունքներն ընդունող հանձնաժողով:

Հունիս 20, 2014 at 15:44


Առնչվող նյութեր


Կատեգորիա

ավելին
պակաս

Մարզեր