«Սեւան» ազգային պարկի եկամուտներն ավելացել են մոտ 15 միլիոն դրամով

«Սեւան» ազգային պարկի եկամուտներն ավելացել են մոտ 15 միլիոն դրամով

ԷկոԼուր

«Սեւան» ազգային պարկի եկամուտներն ավելացել են մոտ 15 միլիոն դրամով։ Այս մասին նշվել է օգոստոսի 1-ին տեղի ունեցած Պարկի խորհրդի նիստում։ Նիստը վարել է  խորհրդի նախագահ, ՀՀ փոխվարչապետ, տարածքային կառավարման նախարար Արմեն Գեւորգյանը։ Ինչպես տեղեկացնում է ՀՀ տարածքային կառավարման նախարարության հասարակայնության հետ կապերի վարչությունը, ընդունվել է  «Սեւան ազգային պարկ»  ՊՈԱԿ-ի 2014թ. առաջին կիսամյակի ֆինանսատնտեսական գործունեության արդյունքների մասին տեղեկատվությունը: Ըստ այդմ զեկուցվել է, որ նշված ժամանակահատվածում ՊՈԱԿ-ի փաստացի մուտքերը կազմել են 169 մլն 295.9 հազար դրամ, որից 84 մլն 600 հազար դրամը` պետբյուջեից հատկացված, 84 մլն 695.9 հազարը` տնտեսական գործունեության արդյունքում ստացված միջոցներն են: Այս տարվա առաջին կիսամյակում տնտեսական գործունեությունից ստացված միջոցները 14 մլն 933.2 հազար դրամով ավելի են նախորդ տարի ՊՈԱԿ-ի կողմից հավաքագրված գումարներից: Կազմակերպության տնօրինմանը հանձնված հողի վարձակալությունից հավաքագրված միջոցները կազմել են 75 մլն 756.8 հազար դրամ:

«Սեւան ազգային պարկ» ՊՈԱԿ-ն առաջին կիսամյակում համայնքային բյուջեներ է փոխանցել 5 մլն 449.5 հազար դրամ` հողի հարկի եւ գույքահարկի տեսքով:

Օգոստոս 15, 2014 at 11:48


Առնչվող նյութեր


Կատեգորիա

ավելին
պակաս

Մարզեր