ԷկոԼուր
Հաշվի առնելով, որ Հայաստանի Հանրապետությունում տեղի է ունեցել իշխանության փոփոխություն և ձևավորվել է նոր կառավարություն, նաև հաշվի առնելով երկրում առաջացած լուրջ բնապահպանական խնդիրները, որոնք պահանջում են հրատապ լուծումներ, մտահոգ քաղաքացիական հասարակությունը քննարկումներ է կազմակերպում և պատրաստում տարբեր առաջարկություններ կառավարությանը:
Մայիսի 14-ին «ԷկոԼուր» մամուլի ակումբում քննարկվեցին հասարակական կազմակերպությունների, անկախ փորձագետների և լրագրողների առաջարկությունները: Հիմնական շեշտը դրված էր հանքարդյունաբերության, ջրային ռեսուրսների օգտագործման և պահպանման, Սևանա լճի, անտառների, հատուկ պահպանվող տարածքների, կադրային քաղաքականության, կոռուպցիոն ռիսկերի վրա:
Որոշվեց առաջարկությունների փաթեթը քննարկել տարբեր հասարակական հարթակներում և, ամփոփելով արդյունքները, ուղարկել կառավարություն:
Մայիս 15, 2018 at 17:35