Սեւանի ափին նոր հանրային լողափ կստեղծվի

ԷկոԼուր

Սեւանի ափին նոր հանրային լողափ կստեղծվի: Հոկտեմբերի 1-ին գործադիրը որոշում ընդունեց, որով «Սևան» ազգային պարկի ռեկրեացիոն գոտու` Ծովագյուղ համայնքի վարչական սահմաններում գտնվող տարածքից 9.0 հեկտար հողամասը առանձնացվեց N 8 հանրային լողափի կազմակերպման համար:  Որոշման մեջ նշվում է, որ տվյալ տարածքի 67.2 տոկոսը  գտնվում է 1905.0 մ բացարձակ նիշից բարձր:

Նշենք, որ Սեւանա լճի մակարդակը նախատեսվում է մինչեւ 2030 թվականը բարձրացնել  1903.5 մ, իսկ ալիքի բարձրությունը հաշվարկվել է, որ կլինի  1905 մ: 1905 մետր նիշից  ներքեւ գտնվող շինությունները ենթակա են ապամոնտաժման:

Հոկտեմբեր 01, 2015 at 18:32