Տեսանյութը ներկայացնում է Հայաստանում թափոնների կառավարման ոլորտի խնդիրները, Արտադրողի ընդլայնված պատասխանատվության (ԱԸՊ) համակարգի ներդրման դեպքում սպասվող փոփոխությունները։
Տեսանյութում Հայաստանի վերամշակողների միության նախագահ Վահան Ղարիբյանը խոսում է Հայաստանում թափոնների վերամշակման հիմնական խոչընդոտների մասին։ Նրա խոսքով՝ ոլորտում բացակայում են խրախուսման մեխանիզմները, սակայն ԱԸՊ համակարգի ներդրումը կարող է խթանել մրցակցությունն ու վերամշակման ոլորտի զարգացումը։
ՀՀ շրջակա միջավայրի նախարարության Ռազմավարական քաղաքականության վարչության պետ Լուսինե Ավետիսյանը ներկայացնում է Արտադրողի ընդլայնված պատասխանատվության համակարգի էությունը։
Տեսանյութը նաև անդրադառնում է հնարավոր տնտեսական ազդեցություններին, մասնավորապես՝ ապրանքների գների փոփոխության հարցին, ինչպես նաև ընդգծում համայնքների և քաղաքացիների կարևոր դերը թափոնների տեսակավորման գործում։
Այս նյութը ստեղծվել է Շվեդիայի կողմից ֆինանսավորվող և ՀԱՀ Յակոբեան բնապահպանական կենտրոնի կողմից իրականացվող «Հայաստանում թափոնների կառավարման քաղաքականություն» (WPA) ծրագրի շրջանակում՝ Շվեդիայի ֆինանսական և ՀԱՀ տեխնիկական աջակցությամբ:
Ներկայացված տեսակետները, եզրակացություններն ու կարծիքները պատկանում են հեղինակ(ներ)ին և պարտադիր չէ, որ արտահայտեն ծրագրի, Հայաստանի ամերիկյան համալսարանի կամ Շվեդիայի կառավարության դիրքորոշումը։
Մայիս 15, 2026 at 11:33