Սևանա լճից հավելյալ ջրառի արդյունքում արտադրված էլեկտրաէներգիայի վաճառքից ստացված լրացուցիչ գումարների հաշվարկման ու վճարման կարգի մասին որոշման նախագիծը ՀՀ վարչապետի աշխատակազմ կներկայացվի 2021թ. նոյեմբերի 3-րդ տասնօրյակում: Նախագծի հեղինակը ՀՀ տարածքային կառավարման և ենթակառուցվածքների նախարարությունն է: Այս մասին նշված է ՀՀ վարչապետի նոյեմբերի 3-ի որոշման մեջ:
Հիշեցնենք, որ այս տարի գործադիրի առաջարկով ՀՀ Ազգային ժողովն ընդունեց Սևանա լճից մինչև 75 միլիոն հավելյալ ջրառ իրականացնելու օրինագիծը` հասցնելով ջրառի ծավալը մինչև 245 միլիոն խմ-ի: Իրականում լճից բաց թողնվեց 57,651 միլիոն խմ հավելյալ ջուր: Հենց այս ծավալի ջրառի համար էլ պետք է հաշվառվի Սևան-Հրազդան հիդրոհամալիրում արտադրված էլեկտրաէներգիայի վաճառքից ստացված գումարի վճարման կարգը և թե ինչի համար է այն ծախսվելու:
Նշենք, որ հավելյալ ջրառի և գոլորշիացման արդյունքում Սևանա լճի մակարդակն այս տարվա իր ամենաբարձր նիշից՝ 1900.91մ-ից իջել է 40 սմ-ով՝ նոյեմբերի 3-ի դրությամբ կազմելով 1900.51 մ:
Նոյեմբեր 04, 2021 at 13:28