Բնապահպանության և ընդերքի տեսչական մարմնի աշխատակիցները ջրային ռեսուրսների վերահսկողության ընթացքում Արմավիրի մարզի Արաքս և Արարատի մարզի Մասիս համայնքներում արձանագրել են ապօրինի ջրօգտագործման դեպքեր: Այս մասին տեղեկացնում է Բնապահպանության և ընդերքի տեսչական մարմինը:
Պարզվել է, որ քաղաքացիներ Խ.Կարապետյանն ու Գ.Պողոսյանը ձկնաբուծության նպատակով ապօրինի ջրառ են կատարել տարածքում ինքնաշատրվանող և խորքային 2-ական հորերից։
Տեսչական մարմնի տարածքային բաժինների պետերի որոշումներով կասեցվել է առանց համապատասխան թույլտվության 4 հորի շահագործումը:
Իրավախախտները ենթարկվել են վարչական պատասխանատվության:
Ներկայացվել են պատճառված վնասների փոխհատուցման պահանջներ։
Մայիս 02, 2024 at 13:21