

ԷկոԼուր
Ապրիլի 20-ին` Թբիլիսիի Կովկասի տանը կբացվի լրագրող- լուսանկարիչ Գալուստ Նանյանի «Կովկասի ջրերը» խորագրով լուսանկարների ցուցահանդեսը: Ցուցահանդեսում կներկայացվեն Կովկասյան տարածաշրջանի` Հայաստանի, Վրաստանի եւ Թուրքիայի ջրային պաշարները պատկերող 101 լուսանկարներ: «Համոզված եմ, որ իմ ցուցահանդեսը խթան կհանդիսանա, որպեսզի Հարավային Կովկասի երկրներն այսուհետ էլ ավելի ուշադրություն դարձնեն բնության այն տարրին, որի անունն է ջուր: Հուսով եմ, որ լուսանկարներիս միջոցով հանրությունը հնարավորություն կունենա տեղեկանալ, թե ինչ ջրային պաշարներ ունենք այսօր, ինչպես ենք պահպանում դրանք եւ ինչ պետք է անենք, որ սերունդներին փոխանցենք կենարար հեղուկը»,- «ԷկոԼուր»-ի հետ զրույցում ասաց Գալուստ Նանյանը:
2009 եւ 2010 թվականներին «Կովկասի ջրերը» ցուցահանդեսը ներկայացվել է Երեւանում եւ Ստեփանակերտում, ինչպես նաեւ տպագրվել է «Կովկասի ջրերը» գրքույկը, որում ընդգրկվել են Գալուստ Նանյանի Կովկասի ջրային ռեսուրսների պահպանման խնդիրները լուսաբանող հոդվածները:
Թբիլիսիում ցուցահանդեսը կտեւվի երկու օր: Ցուցահանդեսին աջակցում են` «Վալլեքս» խմբի ընկերությունները եւ «ԱրմենՏել» ընկերությունը:
Լուսանկարը` Գալուստ Նանյանի
Ապրիլ 12, 2011
