

ԷկոԼուր
«Մենք որս ենք անում Մեծ Կովկասի տարբեր շրջաններում` Բաքվի սահմաններից մինչեւ Դաղստան: Կովկասյան տուրի ընթացքում դուք կարող եք մասնակցել ամենախոշոր կենդանիներից մեկի որսին եւ ստանալ մեծ որսորդական ավար»: Այս հրավերը տեղադրված է http://www.safariinternational.com կայքում, որն ամենահայտի որսորդական կայքերից է: Կայքի գլխավոր զարդը սպանված կենդանիների եւ երջանիկ որսորդների լուսանկարներն են:
Որսորդները փորձում են ցուցադրել սպանված կենդանիների եւ իրենց արժանիքները: Օրինակ` եղջյուրները որքան մեծ, այնքան լավ, կամ արյուն ընձառյուճի մաշկի վրա, կամ ճերմակատամ ժպիտ արյան ֆոնի վրա եւ այսպես շարունակ:
Իրենց մոտ որս անելու են հրավիրում Եվրոպայի, Ասիայի, Աֆրիկայի եւ Ամերիկայի ավելի քան 40 երկրներ: Ամենաակտիվներից են Մակեդոնիան, Խորվաթիան, Սերբիան: Այնտեղ կարելի է կազմակերպել զրահամեքենաներով եւ ինքնաձիգներով ռազմական որս: Եվրոպան անհանգստանում է, որ վայրի բնություն չի մնացել, իսկ Բալկաններում, խնդրեմ, կա եւ վայրի բնություն, եւ քողարկված կերպով կրակողներ: Այդ երկրների ցանկում նաեւ աշխարհիկ Մեծ Բրիտանիան է, որը հրավիրում է եղնիկների որսի: Իրանում կարելի է որսալ Կարմիր գրքում գրանցված կենդանիներ: Այսպես, բեզոարյան այծերի որսը, որը Հայաստանից անցնում է Իրան, Իրանից` Ադրբեջան, անսահմանափակ է:
Այժմ Հայաստանի մասին: Հայաստանը որսի հրավիրող երկրների ցուցակում չկա, թեպետ երեք տարի առաջ կարելի էր գտնել եւ Հայաստանը, եւ տեսնել որսորդական ավարը` բեզոարյան այծերին, հայկական մուֆլոններին: Աղմկահարույց հրապարակումներից հետո հայկական որսորդական կազմակերպությունները որոշեցին աչքի չընկնել եւ այժմ որսը լուռ են կազմակերպում` արդեն իսկ գործող կապերի միջոցով: Տեղեկացված աղբյուրները որսի այնպիսի վայրերի անուններ են տալիս, ինչպիսիք են Ուրցասարի լեռնաշղթան եւ Եղեգիսի կիրճը, Սյունիքի մարզի Զանգեզուրի լեռնաշղթան եւ Մեղրու անտառները: Գները չեն զիջում միջազգային գներին, բայց ծառայությունն, ասում են, այդքան էլ լավը չէ: Դրա համար էլ նախընտրում են որս անել, օրինակ, Ղրղզստանում կամ Տաջիկիստանում, որտեղ ծառայությունը նույնպես լավը չէ, բայց գները զգալիորեն էժան են:
Այնպես որ, մնում է հուսալ, որ մեր որսորդական ծառայությունը չի լավանա, կազմակերպիչների ախորժակները չեն չի նվազի, եւ հետեւաբար, գները չեն իջնի, իսկ դա նշանակում է, որ ինչ-որ կենդանիներ կփրկվեն:
Մայիս 04, 2011 at 11:42



