Աղտոտված արագիլների հետքերով ստուգումներ կոմունալ ծառայություններ իրականացնող հիմնարկներում

Աղտոտված արագիլների հետքերով ստուգումներ կոմունալ ծառայություններ իրականացնող հիմնարկներում

Արարատի և Արմավիրի մարզերում արագիլների աղտոտման պատճառները պարզելու նպատակով ստուգումներ են սկսվել «Էջմիածին քաղաքի բնակարանային կոմունալ վարչություն» բյուջետային հիմնարկում և «Մասիսի բնակարանային կոմունալ տնտեսություն» բաց բաժնետիրական ընկերությունում։ Այս մասին նշել է ՀՀ բնապահպանության և ընդերքի տեսչական մարմնի ղեկավարի պարտականությունները ժամանակավորապես կատարող Գնել Հասրաթյանը հուլիսի 13-ին տեղի ունեցած աշխատանքային քննարկման ժամանակ: Նա, մասնավորապես, նշել է ՀՀ Արարատի և Արմավիրի մարզերում աղտոտված արագիլների խնդրի հրատապ լուծման նպատակով կատարված լաբորատոր հետազոտությունների արդյունքների համադրման հարցում «Հիդրոօդերևութաբանության և մոնիթորինգի կենտրոն» ՊՈԱԿ-ի հետ  համագործակցության մասին, որի արդյունքում էլ ստուգումներ են սկսվել վերոնշյալ կազմակերպություններում:

Հշեցնենք, որ ավելի վաղ ՀՀ շրջակա միջավայրի նախարարությունը հայտարարություն էր տարածել, ըստ որի՝ տեղորոշել և կազմել են այն ձկնաբուծարանների ցանկը, որոնք արագիլների աղտոտման հավանական աղբյուրներ կարող է լինեն։

Քննարկման ընթացքում ամփոփվել են ՀՀ Տավուշի մարզում ՀՀ ոստիկանության հետ համատեղ ապօրինի ծառահատումների, փայտանյութի տեղափոխման կանխարգելմանն ուղղված միջոցառումների արդյունքները։ Թիրախավորվել են արտակարգ դրությամբ պայմանավորված համաճարակային պայմաններում հանքարդյունաբերող ընկերություններում կատարվող ստուգումների ընթացակարգերը, անվտանգության կանոնները։ Անդրադարձ է կատարվել ՀՀ Կարմիր գրքում գրանցված կենդանիների պաշտպանության հարցին։ Կարևորվել է ՀՀ պարետի՝ 2020 թվականի հունիսի 16-ի N 139 որոշման համաձայն ամենօրյա ռեժիմով իրականացվող շրջայցերի ու մշտադիտարկումների ընթացքում կատարվող իրազեկման աշխատանքների որակը։ Այս մասին տեղեկացնում է տեսչական մարմինը:

Լուսանկարը՝ Հայկական բնապահպանական ճակատ

Հուլիս 13, 2020 at 18:35


Առնչվող նյութեր


Կատեգորիա

ավելին
պակաս

Մարզեր