ԷկոԼուր
Արփայի կիրճում մոծակների դեմ պայքարելու համար ինքնաթիռնորով թունաքիմիկատներ սրսկելու արդյունքում ոչնչացել են մի շարք թռչնատեսակներ: Այս մասին «ԷկոԼուր»-ի հետ զրույցում ասաց Վայոց Ձորի մարզի Գնդեվազ համայնքի դպրոցի կենսաբանության ուսուցիչ Մխիթար Արշակյանը: Ըստ նրա` երբ 12-13 տարվա ընթացքում դադարեցրել էին թունաքիմիկատների սրսկումը, կիրճում կրկին սկսեց լսվել թռչունների ծլվլոցը, սակայն անցյալ տարի կրկին սրսկումներ եղան: «Մեկ տարի առաջ ինքնաթիռներով նորից սկսեցին թունաքիմիկատներով սրսկել եւ թռչունները սկսեցին վերանալ. սատկեցին եւ թույնի շնորհիվ, եւ կերի պակասի շնորհիվ: Սնման շղթան խախտվեց. այն միջատները վերացան, որոնցով սնվում էին թռչունները, այն թռչունները վերացան, որոնցով սնվում էին գիշատիչ թռչունները: Աղվեսները ոչնչացան, որոնք սնվում էին այդ թռչուններով: Կենդանական աշխարհը տուժեց մեր միջամտությամբ»,- ասաց Մխիթար Արշակյանը, ով անձամբ տեսել է սատկած թռչունների եւ աղվեսի:
2010թ. «Հայոց Աշխարհ»-ում լույս տեսավ մի հրապարակում, որտեղ նշված էր, որ Վայոց ձորի մարզպետարանը մոտ 20 մլն դրամ է հատկացրել Ջերմուկի շրջակայքում մոծակների դեմ պայքարի գծով միջոցառումների իրականացման ծրագրի համար: Ծրագիրն իրականացրել է «ՀՀ ԱՆ հիգիենիկ եւ հակահամաճարակային տեսչության Վայոց Ձորի մարզային փորձագիտական կենտրոն» ՊՈԱԿ-ը: Մոծակների դեմ պայքարել են` քիմիական եւ կենսաբանական եղանակով կատարված աշխատանքների համապատասխան թույլտվություններ չունենալով: Օգտագործվել են «Ցիպերմետրին», «Սոլֆակ», «Ալֆակրոն» եւ «Քլորոֆոս» տեսակի թունաքիմիկատներ, բենզին, դիզվառելիք, նավթ: Նշենք, որ «Քլորոֆոս» թունաքիմիկատի օգտագործումը Հայաստանում արգելված է:
style="height: 390px; width: 640px">
Օգոստոս 01, 2011 at 12:16