Մեդիամաքս
«Ինկար» ընկերության բիզնես նախագծի իրականացումը եւ Մագիլի քարանձավը տուրիստական վայր դարձնելու նպատակով շինարարական աշխատանքները կարող են Հայաստանի Կարմիր գրքում գրանցված չղջիկների անհետացման պատճառ դառնալ:
Ինչպես հաղորդում է Մեդիամաքսը, այսօր այս մասին ասել է «Էկոլուր» հասարակական կազմակերպության նախագահ Ինգա Զարաֆյանը:
Նրա խոսքերով, ընկերությունը նախատեսում է տուրիստական էքսկուրսիաներ կազմակերպել քարանձավում, որի նպատակով այնտեղ իրականացվում են շինարարական աշխատանքներ, անցկացվում է էլեկտրական լուսավորում:
«Քարանձավում բնակվում են 8 տեսակ չղջիկներ, որոնցից 6-ը գրանցված են Կարմիր գրքում: Շինարարական աշխատանքների աղմուկը կարող է չղջիկների վերաբնակեցման եւ, հավանաբար, անհետացման պատճառ դառնալ», - ասել է նա:
Իր հերթին ՀՀ էկոնոմիկայի նախարարության տուրիզմի եւ տարածքային –տնտեսական զարգացման վարչության պետ Մեխակ Ապրեսյանը ասել է, որ նախքան շինարարական աշխատանքներ սկսելը անց է կացվել բնապահպանական փորձաքննություն, եւ փորձագետները դրական գնահատական են տվել:
«Կմշակվեն եւ կներդրվեն այս տարածքի շահագործման այնպիսի պայմաններ, որոնք կպահպանեն էկոհամակարգի հավասարակշռությունը եւ չեն վնասի չղջիկներին: Բացի այդ, քարանձավի այցելության համար կհաստատվեն որոշակի ժամեր», - պարզաբանել է Մեխակ Ապրեսյանը:
Բնապահպաններն ահազանգում են. Կարմիր գրքում գրանցված չղջիկները կարող են անհետանալ Մագելի քարանձավից
ԱրմԻնֆո
Նորավանքի մոտ գտնվող Մագելի քարանձավը, որտեղ չղջիկների 8 տեսակ է բնակվում, համեղ պատառ է դարձել գործարարների համար, ովքեր որոշել են «բարեկարգել» այն զբոսաշրջիկների համար:
Ինչպես այսօր մամլո ասուլիսի ժամաանակ պատմել է «ԷկոԼուրի» ղեկավար Ինգա Զարաֆյանը, քարանձավում էքսկուրսիաներ անցկացնելու համար նախատեսվում է շինարարական աշխատանքներ սկսել, ընդլայնել մուտքը, էլեկտրական լուսավորում անցկացնել:
Փորձագետը նշել է, որ փետրվարի 18-ին հիշյալ նախագծի շուրջ առաջին հասարակական լսումների ընթացքում մասնագետները կտրականապես դեմ են արտահայտվել դրա իրականացմանը: «Քարանձավում բնակվում են 8 տեսակ չղջիկներ, որոնցից 6-ը գրանցված են Կարմիր գրքում: Շինարարական աշխատանքների աղմուկը կարող է չղջիկների անհետացման պատճառ դառնալ», - ասել է նա:
Բնապահպանների տեղեկությունների համաձայն, վիճահարույց նախագիծը ներկայացվել է «Ինկար» ընկերության կողմից:
«Կարելի՞ է արդյոք խոսել բնապահպանության մասին, երբ մարդիկ ուղղակի ուզում են գումար վաստակել»,- նշել է Զարաֆյանը:
Չնայած մասնագետների վրդովմունքին`քարանձավի «բարեկարգման» ծրագրերը կարող են իրականություն դառնալ. այս տարի նախագիծը դրական բնապահպանական փորձաքննություն է անցել:
«Մենք նույնիսկ չգիտենք, թե երբ են անցկացվել երկրորդ հասարակական լսումները, քանի որ մեզ այդ մասին չեն տեղեկացրել»,- հաղորդել է «ԷլոԼուրի» ղեկավարը:
Չնայած բացասական գնահատականին` Էկոնոմիկայի նախարարության ներկայացուցիչն ավելի լավատեսորեն էր տրամադրված:
«Մենք մանրամասն ուսումնասիրել ենք այդ նախագիծը: Գոյություն ուներ երկու ելք` կամ փակել քարանձավը, կամ այն մատչելի դարձնել զբոսաշրջիկների համար` էկոհամակարգը պահպանելու պայմանով»,- հայտարարել է ՀՀ էկոնոմիկայի նախարարության տուրիզմի եւ տարածքային –տնտեսական զարգացման վարչության պետ Մեխակ Ապրեսյանը:
Մ. Ապրեսյան. «Զբոսաշրջությունը չի վնասում էկոլոգիային»
Արմենպրես
«Մենք դեռեւս չենք հասել նրան, որ զբոսաշրջությունը վնասի էկոլոգիային. կան փոքր, լուծելի խնդիրներ»,- այսօր լրագրողների հետ հանդիպմանն ասաց ՀՀ էկոնոմիկայի նախարարության զբոսաշրջության եւ տնտեսական զարգացման վարչության պետ Մեխակ Ապրեսյանը' պատասխանելով բնապահպան Ինգա Զարաֆյանի մտավախությանը, թե զբոսաշրջության զարգացմանն ուղղված ռազմավարության հետեւանքով երբեմն տուժում է բնությունը:
«Զբոսաշրջությունը պետք է զարգացնել այնպես, որ դրանից բնապահպանական խնդիրներ չառաջանան»,- ասաց Մ. Ապրեսյանը: Ի. Զարաֆյանի խոսքով' մեր երկրում հաճախ շահագործվում են հանքեր, ընդ որում' բաց եղանակով, որն իրենից վտանգ է ներկայացնում: Մ. Ապրեսյանն այս կարծիքին հակադարձեց' ասելով, որ ցանկացած գործընթաց սկսելիս հաշվի է առնվում' դրանից ստացվող եկամուտները կլինեն այնքան, որ բավարարեն նաեւ վնասը ծածկելուն: Եթե հնարավոր կլինի պահպանել ռեսուրսները եւ փոխանցել դրանք ապագա սերունդներին, ապա հանքի շահագործման մեջ որեւէ վտանգավոր բան չկա: «Եթե պատահաբար պարզվի, որ մեր երկրում նավթի պաշարներ կան, մենք պետք է հրաժարվե՞նք դրա շահագործումից' առանց կշռադատելու դրական եւ բացասական կողմերը»,-ասաց վարչության պետը' հորդորելով բնակչությանը' չթափել աղբը որտեղ պատահի, այլ թափել այն դրա համար նախատեսված վայրերում:
Ի. Զարաֆյանը նշեց, որ «Ինկար» ընկերության բիզնես- նախագծի իրականացումը եւ Մագիլի քարանձավը տուրիստական վայր դարձնելու նպատակով շինարարական աշխատանքները կարող են Հայաստանի «Կարմիր գրքում» գրանցված չղջիկների անհետացման պատճառ դառնալ: «Քարանձավում բնակվում են 8 տեսակ չղջիկներ, որոնցից 6-ը գրանցված են «Կարմիր գրքում»«,- ասաց բնապահպանը' հայտնելով, որ «Ինկար» ընկերությունը նախատեսում է տուրիստական էքսկուրսիաներ կազմակերպել քարանձավում. այդ նպատակով այնտեղ իրականացվում են շինարարական աշխատանքներ, անցկացվում է էլեկտրական լուսավորում:
Վարչության պետը տեղեկացրեց, որ նախքան շինարարական աշխատանքներ սկսելը, անց է կացվել բնապահպանական փորձաքննություն, եւ փորձագետները դրական գնահատական են տվել: «Կմշակվեն եւ կներդրվեն այս տարածքի շահագործման այնպիսի պայմաններ, որոնք կպահպանեն էկոհամակարգի հավասարակշռությունը եւ չեն վնասի չղջիկներին: Բացի այդ, քարանձավի այցելության համար կհաստատվեն որոշակի ժամեր»,- ասաց Մ. Ապրեսյանը' նշելով, որ քարանձավները հսկողությունից դուրս թողնելով' իրենք վտանգում են թե չղջիկներին, թե այնտեղ հայտնվող մարդկանց կյանքը:
Ինգա Զառաֆյանը` Մագիլի քարանձավի էկոհամակարգի պահպանման խնդրիր մասին
Panorama.am
Բնության հատուկ պահպանվող գոտիների և պատմամշակութային արձանների պահպանություն, առաջին հերթին նշանակում է դրանց արդյունավետ օգտագործում»,- «Զբոսաշրջություն և բնապահպանություն` փոխլրացում, թե հակադրություններ» թեմայի քննարկման ժամանակ հայտարարեց ՀՀ էկոնոմիկայի նախարարության զբոսաշրջության տնտեսական զարգացման վարչության պետ Մեխակ Ապրեսյանը:
Նա ասաց, որ Բնության հատուկ պահպանվող գոտիների և պատմամշակութային արձանների օգտագործումը պետք է լինի համապատասխան սահմանված ռեժիմի համաձայն:
«Այդ տարածքներից մենք պետք է օգուտ քաղենք, եկամուտ ստանանք, որպեսզի հետագայում այդ գումարը ուղենք այդ տարածքների պահպանմանը»,- նշեց նա:
Այդ կապակցությամբ, ասուլիսին ներկա «ԷկոԼուր» տեղեկատվական ՀԿ-ի նախագահ, կենսաբանական գիտությունների թեկնածու Ինգա Զառաֆյանը բարձրաձայնեց Մագիլի քարանձավի էկոհամակարգի պահպանման խնդիրը: Նա ասաց, որ Մագիլի քարանձավում բնակվում են 8 տեսակի չղջիկներ, որոնցից 6-ը գրանցված են «Կարմիր գրքում»:
«Այդ քարանձավի էկոհամակարգի պահպանման համար փակել էին քարանձավի մուտքը, որպեսզի մարդիկ չմտնեն քարանձավի ներսը և չխանգարեն չղջիկների քունը: Այժմ այդ տարածքում` զբոսաշրջության զարգացման համար, բնապահպանության նախարարություն է ներկայացվել մի նախագիծ, որը նախարարության կողմից հավանության է արժանացել»:
Նրա խոսքով, նախագծի համաձայն բացվել է քարանձավի մուտքը, կատարվում է շինարարություն`լույս է անցկացվել և այլն: «Ո՞ր մի բնությունը, ո՞ր մի էկոհամակարգը կարող է այնտեղ պահպանվել, եթե մի մարդ ուղղակի ցանկացավ գումար վաստակել այդ քարանձավի վրա»,- հարցրեց Ինգա Զառաֆյանը:
Այդ հարցի հետ կապված Մ.Ապրեսյանը ուներ այլ կարծիք: Նա ասաց, որ Մագիլի քարանձավը անցել է բնապահպանական համապատասխան փորձաքննություն, այնտեղ աշխատել են պրոֆեսիոնալներ: Քննարկումների արդյունքում որոշվել է, որ քարանձավը կարելի է օգտագործել որպես տեսարժան վայր: Նրա խոսքով, որոշում է կայացվեց օգտագործել հուշարձանը` սահմանելով պահպանման հատուկ ռեժիմ, որպեսզի չխախտվի քարանձավի էկոհամակարգի հավասարակշռությունը:
Նա ասաց, որ նախագիծը դեռ նոր է արժանացել բնապահպանական փորձագիտական դրական եզրակացությանը և հուշարձանի օգտագործման պայմանագիր առայժմ չի ստորագրվել: Նրա հավելմամբ, Մագիլի քարանձավի տարածքում առայժմ որևէ շինարարական աշխատանքներ չեն տարվում:
Մագելի քարանձավի շահագործումը անհրաժեշտ է մարդկանց անվտանգության համար. Մեխակ Ապրեսյան
Tert.am
«ԷկոԼուր» լրատվական ՀԿ–ի նախագահ Ինգա Զառաֆյանը լրագրողների հետ այսօրվա հանդիպմանը անդրադարձավ Նորավանքի տարածքում գտնվող Մագելի քարանձավի խնդրին։ «Այստեղ պետությունն արդեն որոշակի աշխատանքներ է իրականացրել։ Լույս են քաշել, բարեկարգել, բայց կարծում եմ, որ այստեղ էլ, ինչպես շատ դեպքերում, խաթարվելու է էկոհամակարգը։ Հայաստանում փողն ու բնությունը անհաշտ պայքարի մեջ են»։
Մասնագետին մտահոգությունը չկիսեց Էկոնոմիկայի նախարարության զբոսաշրջության և տնտեսական զարգացման վարչության պետ Մեխակ Ապրեսյանը. «Պետք չէ անտեր թողնել պատմական հուշարձանները կամ զբոսաշրջության համար հետաքրքրություն ներկայացնող տարածքները՝ դրանք վնասելու մտավախության պատճառով։ Ընդհակառակը, պետք է այդ տարածքները առավել լրջորեն վերահսկել և օգտագործել արդյունավետ, սահմանված ռեժիմի համաձայն»։
Ոլորտի պատասխանատուն տեղեկացրեց նաև, որ Մագելի քարանձավի հարցը քննարկվել է, այն մասնագիտական փորձաքննություն է անցել և որոշվել է քարանձավը շահագործել հենց բնության և մարդկանց անվտանգության պահպանման նկատառումներով։
Քարանձավը անտերության մատնելն ու այնտեղ այցելությունները առանձին մարդկանց կամքին թողնելը ավելի վտանգավոր է, քանի որ այնտեղ կան չղջիկներ, նաև՝ անդունդներ և այլ խոչընդոտներ», –հավելեց նա։
Օգոստոս 17, 2011 at 16:17