

ԷկոԼուր
Բացվում է որսաշրջանը: Այն մեկնարկում է օգոստոսի 25-ից: ՀՀ բնապահպանության նախարար Արամ Հարությունյանը օգոստոսի 9-ին հրամայել է ՀՀ տարածքում թույլատրել հետեւյալ որսատեսակների սիրողական որսը`
- լոր-մինչեւ 35000 հատ, 2012թ. օգոստոսի 25-ից հոկտեմբերի 31-ը
- աղավնիներ (թխակապույտ եւ անտառային, սովորական տատրակ)` մինչեւ 9500 հատ, 2012թ. օգոստոսի 25-ից մինչեւ 2013թ. հունվարի 31-ը
- քարակաքավ` մինչեւ 1500 հատ, 2012թ. նոյեմբերի 1-ից դեկտեմբերի 31-ը
- կտցարազգիներ (բացառությամբ կարմիր գրքում գրանցվածների)` մինչեւ 1500 հատ, 2012թ. օգոստոսի 25-ից հոկտեմբերի 31-ը
- արտույտներ (դաշտային, տափաստանային)` մինչեւ 1500 հատ, 2012թ. օգոստոսի 25-ից հոկտեմբերի 31-ը
- սարյակ (սովորական)` մինչեւ 1500 հատ, 2012թ. օգոստոսի 25-ից հոկտեմբերի 31-ը
- կեռնեխներ (սեւ կեռնեխ, սինակեռնեխ), մինչեւ 1500 հատ, 2012թ. օգոստոսի 25-ից դեկտեմբերի 31-ը
- ջրլող թռչուններ` բադեր (կռնչան բադ, կարմրագլուխ սուզաբադ, սուլող եւ ճքճքան մրտիմներ) եւ ջրհովվիկներ (փառփար, եղեգնահավ), մինչեւ 7000 հատ, 2012թ. սեպտեմբերի 15-ից 2013թ. փետրվարի 28-ը
- մոխրագույն ագռավ` մինչեւ 2000 հատ, 2012թ. օգոստոսի 25-ից 2013թ. փետրվարի 28-ը
- կաչաղակ` մինչեւ 2000 հատ, 2012թ. օգոստոսի 25-ից 2013թ. փետրվարի 28-ը
- վայրի խոզ` մինչեւ 10 հատ, 2012թ. նոյեմբերի 1-ից 2013թ. փետրվարի 28-ը
- նապաստակ` մինչեւ 300 հատ, նոյեմբերի 1-ից 2013թ. հունվարի 31-ը
- աղվես` մինչեւ 300 հատ, նոյեմբերի 1-ից 2013թ. հունվարի 31-ը
- գայլ` մինչեւ 100 հատ, 2012թ. օգոստոսի 25-ից 2013թ. փետրվարի 28-ը
- շնագայլ` մինչեւ 200 հատ, 2012թ. օգոստոսի 25-ից 2013թ. փետրվարի 28-ը: Հրամանի վերահսկողությունն իրականացնելու հենց նախարար Արամ Հարությունյանը: Այս մասին տեղեկացնում է ՀՀ բնապահպանության պաշտոնական կայքը:
Նշենք, որ հասարակայնությունը բազմիցս հարց է բարձրացրել ՀՀ բնապահպանության նախարարության առաջ այն մասին, որ որսորդների համար գործնականում անհնար է որոշել, թե ինչ թռչունի են կրակում` Կարմիր գրքում գրանցված, թե` ոչ:
Հիշեցնենք, որ որսն արգելվում է հատուկ պահպանվող տարածքներում:
Լուսանկարներն Էկոլուրին է տրամադրել Մամիկոն Ղասաբյանը
Օգոստոս 16, 2012 at 18:10


