ԷկոԼուր- Հայաստանի թռչունների պահպանման միություն
Հայաստանի թռչունների պահպանման միությունը ուրախ է տեղեկացնել, որ մեկնարկել է «Գարնանն ընդառաջ» ծրագիրը: Արդեն 9 տարեկան «Գարնանն ընդառաջը» այս տարի նույնպես համախմբելու է երեխաներին, նրանց ուսուցիչներին և ընտանիքներին Եվրոպայում, Ասիայում և Աֆրիկայում դիտարկելու և գրսնցելու չվող թռչունների հինգ տեսակների վերադարձը՝ Գյուղական ծիծեռնակ, Սպիտակ արագիլ, Սովորական կկու, Սև մանգաղաթև և Ոսկեգույն մեղվակեր:
«Գարնանն ընդառաջը» միավորում է Եվրոպայի և Աֆրիկայի բնակիչներին, որոնք հետևում և գրանցում են լայնորեն տարածված 5 թռչնատեսակների գարնանային վերադարձը: Մասնակիցները հետևում են գարնան հերթափոխին մայրցամաքների միջև և գրանցում իրենց դիտարկումները www.springalive.net կայքում: Երեխաների մեծամասնությունը, ովքեր մասնակցում են «Գարնանն Ընդհառաջ» ծրագրին առաջին շփումն են ունենում թռչունների հետ և հնարավորություն են ստանում դիտարկելու և ավելին իմանալու նրանց մասին:
2014 թ-ը հատկանշական է լինելու «Գարնանն ընդառաջի» համար, քանզի սպասվում են նորանոր անակնկալներ, այդ թվում տեղեկություններ թռչունների և նրանց միգրացիայի մասին www.springalive.net կայքում, միջազգային մրցույթներ, առցանց խաղեր և շատ այլ նորույթներ : Հուսով ենք, որ այս տարի առավել մեծ ոգևորվածությամբ կմասնակցեք թռչուններին նվիրված զանազան միջոցառումներին՝ սկսած թռչնադիտարկումից մինչև նրանց պահպանումը: Իսկ նմանատիպ տեղեկություն, թե ինչպիսի միջոցառումներ և որտեղ են անցկացվելու, կարող եք գտնել www.springalive.net կայքում:
Մարտ 12, 2014 at 15:28