Էկոլուրն այսօր առավոտյան ահազանգ ստացավ, որ Նուբարաշենի աղբավայրը կրկին այրվում է։ Այստեղ հաճախ է հրդեհ բռնկվում։ Ընդամենը մեկ ամիս առաջ աղբավայրն այրվում էր։ Երևանի քաղաքապետ Տիգրան Ավինյանը հայտարարեց, որ քաղաքապետարանի համար գերխնդիր է Նուբարաշենի աղբավայրի օր առաջ կոնսերվացումը։
Նշենք, որ նոր սանիտարական աղբավայրի կառուցման հարցը մնում է անորոշ։ Տարիներ առաջ մեկնարկած Նուբարաշենի աղբավայրի փակման և հարակից տարածքում միջազգային չափանիշներին համապատասխան նոր աղբավայրի կառուցման «Երևանի կոշտ կենցաղային թափոնների կառավարման ծրագիրը» չեղարկվել է։ Նուբարաշենի գործող աղբավայրի փակման և հարակից տարածքում միջազգային չափանիշներին համապատասխան նոր աղբավայրի կառուցման «Երևանի կոշտ կենցաղային թափոնների կառավարման ծրագիրը» չեղարկվել է Ըստ քաղաքապետի՝ քննարկվում է նոր ծրագրի իրականացում Համաշխարհային բանկի հետ։ Այլ մանրամասներ հայտնի չեն։
Նուբարաշենի աղբավայրը գործարկվել է դեռ 1950-ականներին։ 52 հեկտար մակերեսով այս աղբավայր տարեկան տեղափոխվում է 290-320 հազար տոննա կենցաղային աղբ։ Աղբավայրն ի սկզբանե չի նախագծվել և կառուցվել որևէ ընդունված ստանդարտով, չի համապատասխանում միջազգային կամ որևէ տեխնիկական, բնապահպանական և սանիտարահիգիենիկ չափանիշների և բացառապես հանդիսանում է որպես աղբի կուտակման վայր։
Հոկտեմբեր 10, 2025 at 11:34