Համահայկական Բնապահպանական Ճակատը ծառատունկի է հրավիրում

ԷկոԼուր

Համահայկական Բնապահպանական Ճակատը ծառատունկի է հրավիրում: Facebook սոցիալական ցանցում տարածված հրավերում ասված է.

«Սուրբ ՀԱՐՈՒԹՅԱՆ տոնին ընդառաջ` հրավիրում ենք մասնակցելու ԾԱՌԱՏՈՒՆԿԻ: ՀԱՂԹԱՆԱԿԻ զբոսայգում միասին տնկելու ենք սոսի տեսակի 50-60 ծառ: Ծառատունկի համար մեզ տրամադրվել է այգու հարավային լանջից մի հատված:

Հանդիպում ենք մարտի 30-ին՝ ժամը 11:00-ին, Հաղթանակի զբոսայգու մուտքի մոտ:

Յուրաքանչյուր ծառին կցվելու են երկու պատասխանատու, ովքեր շաբաթը մեկ անգամ կայցելեն և կհետևեն իրենց տնկած ծառին: Ծառատունկերը լինելու են շարունակական, ինչի միջոցով փորձելու ենք շատացնել մեր սիրելի Երևանի ծառապատ հատվածները:

Եկեք հարմար զգեստով և սպորտային ոտնամաններով, կանաչ բանդանաներով, հեծանիվներով, ուրախ երգերով ու բարձր տրամադրությամբ:

Սիրով` Համահայկական Բնապահպանական Ճակատ (ՀԲՃ)»:

Մարտ 22, 2013 at 17:59