«Ես վստահ եմ, որ հենց այս տարի մենք տրանսպորտի գների բարձրացման հետ կապված նոր որոշում կունենանք». Հրանուշ Խառատյան

ԷկոԼուր

Տրանսպորտի գների բարձրացումը հանրության ուշադրությունը կարևոր խնդիրներից շեղելու միջոց էր: Այս կարծիքին է ազգագրագետ Հրանուշ Խառատյանը:

«Երիտասարդների այս ձևավորումները և իրենց համառությունները սկսել են իրենց ինչ-որ չափով զգացնել տալ, բայց անկեղծ ասած, ես կարծում եմ, որ կառավարության հուլիսի 25-ի նիստի մեջ որոշ ցուցադրականություն կար, և Տարոն Մարգարյանի այն վերապահումները, որ կային` հարցը  պետք է նայենք , պետք է քննարկենք, նախ ևս մեկ անգամ ցույց տվեց, որ կարգին չեն նայել , կարգին չեն քննարկել և միանգամից հայտարարել են»,- «ԷկոԼուր» մամուլի ակումբում հուլիսի 26-ին տեղի ունեցած մամուլի ասուլիսի ժամանակ ասաց Հրանուշ Խառատյանը` նշելով, որ անամոթություն է առանց որևէ հաշվարկների հայտարարել նման որոշում և ապա ժամանակավոր կասեցնել:

«Սա չեմ կարծում, որ կոմպրոմիսային պատասխան էր հանրության պահանջին: Այս վերջին հայտարարությունը փորձ է հետո մի փոքր օրինականացման քողով ներկայացնել այն, ինչ մինչ այս ներկայացված էր շատ բացահայտ, անամոթաբար»,- նշեց նա և համոզմունք հայտնեց, որ այս տարի տրանսպորտի գների թանկացման հետ կապված նոր որոշում կունենանք:

Հուլիս 29, 2013 at 16:45