Կառավարության ներկայացուցիչ. «Նոր գայլերի ոհմակի միության նախագահը զանգեց, ասեց, որ մենք պաշտպանության կարիք չունենք» (Ֆոտո)

ԷկոԼուր

Հոկտեմբերի 22-ին կենդանապաշտպանները ՀՀ կառավարության շենքի առջև բողոքի ակցիա անցկացրեցին` ուղղված գայլերի սպանդի դեմ:

«Գայլը բնության և մարդու անբաժան մասնիկն է», «Գայլը առողջ բնության երաշխիքն է», «Փրկենք գայլերին» կոչերով ակտիվիստ-կենդանապաշտպանները հորդորում էին ՀՀ վարչապետ Հովիկ Աբրահամյանին վերանայել կառավարության որոշումը՝ կապված գայլերի ոչնչացման հետ:

Հիշեցնենք, որ կառավարությունը որոշում ընդունեց 20 միլիոն դրամ հատկացնել ՀՀ պետական բյուջեից 200 գայլ սպանելու համար:

Բնապահպան Սիլվա Ադամյանը նշեց, որ իրենք վաղուց նամակ են հանձնել վարչապետին՝ կապված խնդրի լուծման հետ, սակայն ոչ մի պատասխան:

Ակցիային հետեւում էր ՀՀ կառավարության աշխատակազմի քաղաքացիների ընդունելության և դիմումների քննարկման վարչության պետ Ալեքսանդր Ղազարյանը:

ԷկոԼուր.

- Բնապահպաները պահանջում են, որպեսզի կառավարությունը վերանայի իր որոշումը և գայլերին սպանելու փոխարեն միջոցառումներ ձեռնարկի, որպեսզի գայլերը վերադառնան իրենց բնական կենսամիջավայր:

Ալեքսանդր Ղազարյան.

- Նոր գայլերի ոհմակի միության նախագահը զանգեց, ասեց, որ մենք պաշտպանության կարիք չունենք, մենք կարողանում ենք մեզ պաշտպանել:

ԷկոԼուր.

- Դա կատակ, իսկ լո՞ւրջ:

Ալեքսանդր Ղազարյան.

- Լուրջ ի՞նչ:  Ի՞նչ է նշանակում գայլերի պաշտպանություն, Դուք դրան լո՞ւրջ եք վերաբերվում: Գայլերը հարձակվում են բնակավայրերի վրա:

ԷկոԼուր.

- Կոնկրետ առաջարկություններ կան, չե՞ք ուզում մոտենալ և լսել իրենց:

Ալեքսանդր Ղազարյան.

- Դուք ասեք:

ԷկոԼուր.

- Հնարավոր չէ՞ գայլերի սպանդի փոխարեն այլ միջոցառումներ իրականացնել, որպեսզի գայլերն իրենց կենսամիջավայրում սնվեն իրենց բնական կերով:

Ալեքսանդր Ղազարյան.

- Կազմակերպեք, ինքներդ կազմակերպեք:

ԷկոԼուր. Իսկ կառավարությունը ի՞նչ անի…

Մանրամասները՝ տեսանյութում:

Հոկտեմբեր 23, 2014 at 15:08