Երեւանի առաջին հեծանվուղին բացվեց

ԷկոԼուր

Հոկտմբերի  10-ին` ժամը 14:00-ին, Օղակաձև զբոսայգու Առագաստ սրճարանին կից այգում տեղի ունեցավ Երեւանի առաջին հեծանվուղու հանդիսավոր բացումը:  Այն անցնում է Օղակաձև զբոսայգու ամբողջ երկայնքով` ձգվելով Առագաստ սրճարանին հարող այգուց  մինչև  Զորավար Անդրանիկի արձանի հարևանությամբ գտնվող այգին: «Սրանով սկիզբ է դրվում Երևանում տրանսպորտային նոր ենթակառուցվածքի ներդրմանն ու զարգացմանը, որը, հուսով ենք, շուտով կընդգրկի Երևանի ողջ տարածքը»,- ասված է «Կանաչաստան» ՀԿ-ի Facebook սոցիալական ցանցում տարածած հաղորդագրության մեջ:

Հեծանվուղու բացման արարողությունը ընթացավ կենդանի ջազ համերգ «The Nooz Band»-ի մասնակցությամբ, նկարչի կողմից 3D վարպետության դաս երիտասարդների համար: Ցանկացողներին անվճար հիմքունքով տրվելու են հեծանիվներ նոր հեծանվային արահետով երթևեկելու համար:

Հեծանվուղին նախագծվել է «Կանաչաստան» ՀԿ-ի եւ Երեւանի քաղաքապետարանի կողմից: Նրանց  միջոցներով արդեն իրականացվել են հեծանվուղու  նշանների տեղադրման, գծանշման, ինչպես նաև հեծանվային կայանատեղերի տեղադրման աշխատանքները:

Հոկտեմբեր 10, 2012 at 23:52