ԷկոԼուր
48 հասարակական կազմակերպությունների` ՀՀ բնապահպանության նախարարի հրաժարականի պահանջը իրարանցում է առաջացրել լրատվամիջոցներում եեւ սոցիալական ցանցերում: «Հանուն կայուն մարդկային զարգացման ասոցիացիա» ՀԿ-ի նախագահ Կարինե Դանիելյանը եւ «Բուրգ» ՀԿ-ի նախագահ Արման Վերմիշյանը «168 ժամ» թերթին տված հարզազրույցում մեկնաբանել են իրենց դիրքորոշումը:
«Ո՞վ կլինի նախարար, թե ինչպե՞ս կընտրվի, և այլն, և այլն, դա զուտ Հայաստանի ներքին խնդիրն է և պետության խնդիրն է»
168 ժամ
«Բուրգ» հասարակական կազմակերպությունը չի միացել Էկոլոգիական հասարակական դաշինքի՝ ՀՀ բնապահպանության նախարարի հրաժարականը պահանջող հայտարարությանը՝ կապված «Բուրգի» նախագահի մեկ այլ պաշտոն ունենալու հետ: Այս մասին 168.am-ի հետ զրույցում նշեց «Բուրգ» հասարակական կազմակերպության նախագահ Արման Վերմիշյանը:
«Ես Հայաստանում ներկայացնում եմ «Կովկասի բնության հիմնադրամը», որի ազգային համակարգողն եմ հանդիսանում, և մեր հիմնադրամի գործընկերն է Հայաստանի Հանրապետության բնապահպանության նախարարությունը՝ որպես պետական լիազոր մարմին: Մենք չենք խառնվում Հայաստանի Հանրապետության որևէ գործի, և Էկոդաշինքը եթե նման հայտարարություն է իրականացնում՝ դա Հայաստանի ներքին խնդիրն է: Ի պաշտոնե մենք իրավունք էլ չունենք խառնվելու, և, բնականաբար, ո՞վ կլինի նախարար, թե ինչպե՞ս կընտրվի, և այլն, դա զուտ Հայաստանի ներքին խնդիրն է և պետության խնդիրն է: Քանի որ ես ինքս հանդիսանում եմ «Բուրգ» հասարակական կազմակերպության նախագահը, և, բնականաբար, ցանկացած հայտարարություն «Բուրգ» հասարակական կազմակերպության անունից կամ թեկուզ իմ անունից կապվում է անմիջապես «Կովկասի բնության հիմնադրամի» գործունեության հետ, դրա համար մեր կազմակերպությունը չի միացել այդ հայտարարությանը»,- ասաց Արման Վերմիշյանը:
«Էթիկայից դուրս եմ համարել». Կարինե Դանիելյան
168 ժամ
««Հանուն կայուն մարդկային զարգացման» հ/կ-ն չի միացել բնապահպանության նախարար Արամ Հարությունյանի հրաժարականի պահանջին, քանի որ հ/կ նախագահ Կարինե Դանիելյանը ժամանակին նախարար է եղել»,- 168.am-ի հետ զրույցում ասաց Կարինե Դանիելյանը` մեկնաբանելով, թե ինչո՞ւ չի միացել բնապահպանական 48 կազմակերպությունների կողմից ՀՀ բնապահպանության նախարար Արամ Հարությունյանի հրաժարականի պահանջի մասին հայտարարությանը:
«Ես նախարար եմ եղել և գտնում եմ էթիկային կանոններից դուրս, որ ես գնահատեմ նույն պաշտոնում նախարարի աշխատանքը, պահանջեմ նրա հրաժարականը: Պատճառը միայն դա է: Երբեք, ինչքան որ եղել են նախարարների հետ կոնֆլիկտներ և նույնիսկ դատի տալու խնդիր է եղել, ես դրան չեմ խառնվել: Էթիկայից դուրս եմ համարել»,- նշեց «Հանուն կայուն մարդկային զարգացման» հ/կ նախագահ Կարինե Դանիելյանը: Վերջինս կարծում է, որ պայքարել պետք է այլ կերպ:
Հոկտեմբեր 16, 2012 at 12:38