ԷկոԼուր
«ԷկոԼուր» Էկոլոգիական հասարակական դաշինքի ցանցով ստացավ «Թեղուտի պաշտպանության» քաղաքացիական նախաձեռնության կողմից Եվրամիությանը ներկայացված ստվերային զեկույց: Նախաձեռնությունը զեկույցում մանրամասն հիմնավորել է, որ Հայաստանի կառավարությունը Գործընկերության և համագործակցության համաձայնագրի գործողությունների պլանի շրջանակներում չի ապահովել մի շարք անհրաժեշտ պայմաններ:
«Դրանով կառավարությունը ձախողել է Եվրամիության հետ առավել սերտ համագործակցություն սկսելու համար նախապայման հանդիսացող առանցքային հարցերի կարգավորումը, որոնցից են, ի թիվս այլնի`
- իր միջազգային պարտավորությունները չհարգելը,
- պետությանը տրված հսկայական դրամաշնորհային ծրագրերում կոռուպցիոն ռիսկերը,
- Օրհուսի կոնվենցիայի 9-րդ հոդվածի խախտմամբ բնապահպանական ՀԿ-ներին դատարան դիմելու իրավունքից զրկելը,
- գյուղացիների մասնավոր սեփականության իրավունքը ոտնահարելը,
- հանքարդյունաբերության հետևանքով առաջացող բնակչության առողջապահական խնդիրները արհամարհելը,
- բնապահպանական օրենսդրության բացը,
Շրջակա միջավայրի վրա ազդեցության գնահատման մեխանիզմների բացակայությունը և այլն»:
Հիշեցնենք, որ «Թեղուտի պաշտպանության» քաղաքացիական նախաձեռնությունը պայքարում է Հայաստանի Լոռում արզում գտնվող Թեղուտի պղնձամոլիբդենային հանքավայրի շահագործման դեմ: Թեղուտի հանքավայրը շահագործելու համար հատվում են տեղի սաղարթախիտ անտառները:
Նոյեմբեր 05, 2012 at 12:13