«Հանուն կայուն մարդկային զարգացման» ասոցիացիայի նախագահ Կարինե Դանիելյանի մեկնաբանությունները ՀՀ կառավարության նոր ծրագրի վերաբերյալ

ԷկոԼուր

«Հանուն կայուն մարդկային զարգացման» ասոցիացիայի նախագահ Կարինե Դանիելյանը ներկայացրել է «ԷկոԼուր»-ին կարճ մեկնաբանություններ ՀՀ կառավարության նոր ծրագրի բնապահպանական առաջնահերթությունների վերաբերյալ: Նա մասնավորապես հայտարարել է. «Հայաստանի Հանրապետությունը ՄԱԿ-ի անդամ երկրների հետ միասին իր վրա վերցրել է պարտավորություն մինչև 2030 թվականը Կայուն զարգացման համաշխարհային ծրագրի իրականացման վերաբերյալ, որը հիմնված է կայուն զարգացման 17 նպատակների վրա:

Դրան համապատասխան, երկիրը պարտավոր է ազգային մակարդակով իրականացնել այդ նպատակները, որոնցից իննը վերաբերում են էկոլոգիային, մշակել համապատասխան ծրագրեր և անցնել դրանց իրագործմանը:

Արդեն 2017 թվականին Հայաստանը պետք է ներկայացնի ՄԱԿ-ին առաջին հաշվետվությունը: Բայց կառավարության ծրագրում այս մասին խոսք չկա:

Հաջորդը, ինչպես միշտ, միջոլորտային համագործակցությունը ներկայացված է շատ թույլ: Էկոլոգիական խնդիրները, ծրագրերը հիմնականում ներկայացված են առանձին, չնայած որ դրանք պետք է արտացոլված լինեին մնացած ոլորտների մեծ մասում: Ցավոք, մնացած նախարարությունները այդ խնդիրներն ու ծրագրերը հիմնականում անտեսում են»:  

Հոկտեմբեր 24, 2016 at 16:27