«Հայանտառ» ՊՈԱԿ-ի Կապանի անտառտնտեսություն մասնաճյուղը Ծավ բնակավայրի մոտակայքում՝ 2 հա տարածքի վրա, ծառատնկման աշխատանքներ է իրականացրել։
Ընդհանուր տնկվել է 9 հազար տնկի, որից՝ 5 հազարը ընկուզենի, 4 հազարը՝ ուղեկցող այլ ծառատեսակներ (կովկասյան փռշնի, կովկասյան տանձենի և կովկասյան սրնգենի)։ Տարածքը ցանկապատվել է, անց է կացվել ոռոգման համակարգ, տեղադրվել է 25 տոննա տարողությամբ ջրի տարա։
Ծառատնկումն իրականացվել է Շրջակա միջավայրի նախարարության կողմից իրականացվող «Պահպանվող տարածքների աջակցման ծրագիր-Հայաստան» ծրագրի շրջանակներում։
Այս մասին տեղեկացնում է Շրջակա միջավայրի նախարարությունը։
Հուլիս 14, 2020 at 13:01