«2024 թվականին մայրաքաղաքի կանաչ տարածքներն ընդլայնվել են 13 հեկտարով, վերականգնվել են հանրային այգիները, 32 կմ երկարությամբ ոռոգման ցանց է կառուցվել, տեղադրվել են օդի որակի չափիչ 151 սարքեր, բարելավվել են ջրահեռացման համակարգերը, գործարկվել է ջրի մաքրման նոր կայան, կազմակերպվել են գետերի մաքրման աշխատանքներ», - ներկայացրեց Երևանի կառուցապատման ներդրումային ծրագրերի իրականացման գրասենյակի տնօրենի ժամանակավոր պաշտոնակատար Անետա Բաբայանը մարտի 18-ի Երևանի ավագանու նիստում։
Երևանի քաղաքապետ Տիգրան Ավինյանը նշեց, որ նոր ստեղծված կանաչ տարածքներում ծառերի կպչողականությունը 95 տոկոս է։ «Վերջին 3 տարվա ընթացքում 45․8 հեկտար կանաչ տարածքներ է ստեղծել Երևանի քաղաքապետարանը»,- ասաց Տիգրան Ավինյանը։
Մարտ 18, 2025 at 16:24