Ոչ անտառապատ հողերում անտառատնկման աշխատանքների համար շրջակա միջավայրի վրա ազդեցության փորձաքննության համար սահմանված 300 000 դրամ տուրքը կհանվի։ Այս կապակցությամբ մշակվել է «Շրջակա միջավայրի վրա ազդեցության գնահատման և փորձաքննության մասին» և «Պետական տուրքի մասին» օրենքներում փոփոխությունների և լրացումների նախագծերի փաթեթը, որին ՀՀ կառավարությունը հավանություն տվեց սույն թվականի ապրիլի 9-ին։
Ըստ ՀՀ շրջակա միջավայրի նախարարության՝ առաջարկվող փոփոխությունները միտված են խթանելու Հայաստանում անտառտնկման և անտառվերականգնման ծրագրերը։
Առաջարկվող փոփոխություններով ներպետական օրենսդրությունը կհամապատասխանեցվի Հայաստանի կողմից վավերացված Օրհուսի և Էսպոյի կոնվենցիաների պահանջներին։
Առաջարկվում է պետական փորձաքննական դրական եզրակացությունն ուժը կորցրած ճանաչել լիազոր մարմնի կողմից։
Օրենսդրական փաթեթի նախագծով պետական և համայնքային դպրոցների ու մանկապարտեզների կառուցման և վերակառուցման նախագծերը չեն ենթարկվի ՇՄԱԳ փորձաքննության․ շրջակա միջավայրի վրա ազդեցության վերաբերյալ դիրքորոշումը կներկայացվի քաղաքաշինական փորձաքննության շրջանակում։
Ապրիլ 22, 2026 at 10:25