ԷկոԼուր
Չորս տարիների ընթացքում Հայաստանի հատուկ պահպանվող տարածքները 400 միլիոն դրամի արտաբյուջետային ֆինանսավորում են ստացել Կովկասի Բնության Հիմնադրամի կողմից: Գումարները տրվել են «Խոսրովի անտառ», «Շիկահող», «Էրեբունի» պետական արգելոցներին, «Արևիկ», «Արփի լիճ» և «Դիլիջան» ազգային պարկերին` դրանց պահպանության արդյունավետությունը բարձրացնելու, պահպանություն իրականացնող աշխատակազմի լրացուցիչ աշխատավարձի վճարման, տեխնիկական վերազինման համար:
Ինչպես դեկտեմբերի 5-ին ՀՀ բնապահպանության նախարարությունում ՀՀ Նախագահ Սերժ Սարգսյանի անցկացրած խորհրդակցության ժամանակ զեկուցեց ՀՀ բնապահպանության նախարար Արամ Հարությունյանը, 2010թ-ին Կովկասի Բնության Հիմնադրամի կողմից հատկացվել է 53.6 միլիոն դրամ, 2011թ-ին` 92.8 միլիոն դրամ, 2012թ-ին` 91.4 միլիոն դրամ եւ 2013թ-ին` 182.7 միլիոն դրամ:
Դեկտեմբեր 18, 2013 at 10:42