«ԷկոԼուր» տեղեկատվական ՀԿ-ն հրապարակել է նոր «Մաքուր օդ, առողջ շրջակա միջավայր. Արարատ համայնքի երազանքը» վերնագրով տեսանյութ, որն արտացոլում է Արարատ համայնքում արդյունաբերական գործունեության առաջացրած խնդիրները, շրջակա միջավայրի աղտոտվածության հետազոտության արդյունքները:
Հետազոտությունն իրականացվել է «Քաղաքացիական հասարակության մասնակցությունը Հայաստանում քիմիական անվտանգության պաշտպանությանը» ծրագրի շրջանակում՝ չեխական «Առնիկա» հասարակական կազմակերպության կողմից հայաստանյան «Համայնքային համախմբման և աջակցության կենտրոն» և «ԷկոԼուր» տեղեկատվական ՀԿ-ների հետ համատեղ՝ Չեխիայի Հանրապետության արտաքին գործերի նախարարության աջակցությամբ։
Տեսանյութում Արարատ և Սուրենավան գյուղերի բնակիչներն ու տեղի հասարակական կազմակերպությունների ներկայացուցիչները բարձրաձայնում են իրենց բնակավայրերում առկա առողջական խնդիրների, գործող ձեռնարկությունների՝ շրջակա միջավայրին հասցրած բացասական հետևանքների մասին մտահոգությունները:
Ծրագրի փորձագետներն ու ՏԻՄ ներկայացուցիչները խոսում են իրականացված հետազոտության նպատակների ու հետագա գործողությունների, ինչպես նաև չեխական փորձի տեղայնացման հնարավորության մասին:
Հունվար 23, 2024 at 17:20