Արդյունահանող Ճյուղերի Թափանցիկության Նախաձեռնության (ԱՃԹՆ/EITI) միջազգային Խորհուրդը Հայաստանի 2-րդ Վավերացման արդյունքում ընդունել է հետևյալ որոշումը.
«Հայաստանին շնորհվել է բարձր գնահատական՝ 2019 թվականի EITI Ստանդարտը իրականացնելու գործում (89,5 միավոր):
Ընդհանուր միավորը իրենից ներկայացնում է երեք բաղադրիչների՝ Շահագրգիռ կողմերի Ներգրավվածության, Թափանցիկության և Արդյունքների ու Ազդեցության համար ստացած միավորների միջին գնահատականը:
Վավերացման գնահատականով՝ Հայաստանը գերազանցել է ԱՃԹՆ-ի մեկ պահանջը, լիովին բավարարել 24-ը և գրեթե բավարարել երկուսը:
EITI Խորհուրդը բարձր է գնահատում ՀՀ կառավարության և Բազմաշահառու խմբի արդյունավետ համագործակցությունը, որը նպաստել է հանքարդյունաբերության ոլորտի տվյալների շարունակական բացահայտմանը և ԱՃԹՆ-ի աշխատանքային ծրագրով սահմանված նպատակների ժամանակին իրականացմանը:
Խորհուրդը ողջունում է Հայաստանի ջանքերը՝ տվյալների հասանելիությունը, փոխգործելությունը և ամբողջականությունը հետագա բարելավելու ուղղությամբ՝ հիմք ընդունելով սովորական բացահայտումների երկրի փորձը: Խորհուրդը նշում է տվյալների որակը և սոցիալ-բնապահպանական բացահայտումներն առավել ամրապնդելու հնարավորությունների մասին:
Հայաստանի հաջորդ վավերացումը կանցկացվի երեք տարի հետո՝ 2027 թվականի հուլիսի 1-ին»:
Աղբյուրը՝ Արդյունահանող Ճյուղերի Թափանցիկության Նախաձեռնության պաշտոնական կայք
Մայիս 02, 2024 at 11:39