ՀԱՅԱՍՏԱՆԻ ՆԱԽԱԳԱՀԻՆ ԾԱՆՈԹԱՑՐԵԼ ԵՆ ՈՍԿՈՒ ԵՎ ՄՈԼԻԲԴԵՆԻ ԱՐԴՅՈՒՆԱՀԱՆՄԱՆ ՈԼՈՐՏՈՒՄ ԱՌԿԱ ԻՐԱՎԻՃԱԿԻՆ

«PanARMENIAN.Net»

Փետրվարի 27-ին Հայաստանի նախագահ Սերժ Սարգսյանն ընդունել է «Գեոպրոմայնինգ» ընկերության ղեկավարությանը, հաղորդում է ՀՀ նախագահի մամլո ծառայությունը: «Գեոպրոմայնինգ» ընկերության տնօրենների խորհրդի նախագահ Սիման Պովարենկինը ներկայացրել է մեր երկրում ընկերության կողմից ստանձնած պարտավորությունների կատարման ընթացքը, ոսկու եւ մոլիբդենի արդյունահանման ոլորտում առկա իրավիճակն ու զարգացման հեռանկարները:

Ընդգծելով առկա միջազգային ֆինանսատնտեսական-ճգնաժամի պայմաններում հանքային արդյունաբերության ոլորտում աշխատատեղերի պահպանման կարեւորությունը` Հանրապետության նախագահը շեշտել է Ագարակի պղնձամոլիբդենային կոմբինատում հետագա կրճատումներից ձեռնպահ մնալու, իսկ ոսկու արդյունահանման ոլորտում աշխատատեղերի ավելացման իր հստակ ակնկալիքը: Կողմերը քննարկել են նաեւ «Գեոպրոմայնինգ» ընկերության կողմից Հայաստանում նախատեսվող նոր ներդրումային նախաձեռնությունների հետ կապված հարցեր:

Մարտ 05, 2009


Առնչվող նյութեր


Կատեգորիա

ավելին
պակաս

Մարզեր