

Աննա Սաթյան, Նովոյե Վրեմյա
Հայաստանի ազգային մրցունակության հիմնադրամի գործադիր տնօրեն Բեկոր Փափազյանի` իր պաշտոնից հեռանալու մասին ասեկոսեները վաղուց են: Եւ ահա վարչապետ Տիգրան Սարգսյանի որոշմամբ հիմնադրամի ղեկավար նշանակվեց Արմեն Խաչատրյանը, ով նախկինում ղեկավարում էր «Հայփոստ» ՓԲԸ-ն: Որպես հիմնական տարբերակներ հայրենական ԶԼՄ-ները բերում էին վերջերս ընդունված ՀՀ կառավարության որոշումը Տաթեւի մոտ` Սվարանցի տարածքում, երկաթի հանքավայրի շահագործման սկսման մասին: Հիշենք, որ ինքը` Փափազյանը, լինելով «Հարավային զբոսաշրջանային միջանցք»-ի նախաձեռնողներից մեկը, բազմիցս շեշտատրել է, որ զբոսաշրջության եւ հանքարդյունաբերության զարգացումն անհամատեղելի են:
Մամուլի տվյալներով` այս առումով վարչապետի հետ զրուցել է հայտնի ռուսաստանյան ձեռնարկատեր Ռուբեն Վարդանյանը: Շնորհիվ հիմնականում նրա ներդրումների է կառուցվել ճոպանուղին, որը Տաթեւի հինավուրց վանական համալիրը կապում է Հալիձոր գյուղի հետ, կարգի են բերել նրան մոտակա տրանսպորտային ուղիները: Հանդիպումը սակայն հարժեք արդյունքը չի տվել. կառավարության ղեկավարը պնդել է իրենը:
«ՆՎ»-ի թղթակցի հետ զրույցում «ԷկոԼուր» հասարակական կազմակերպության նախագահ Ինգա Զարաֆյանը նկատեց, որ սկզբի համար հանքավայրի նախագիծը պետք է ներկայացվի փորձաքննության, սակայն նրա տվյալներով, դա դեռ չի արվել: «Իմ հիշողության մեջ կա միայն մեկ նախագիծ` կապված երկաթահանքերի հետ: Մի քանի տարի առաջ Հրազդանում այն իրականացնել փորձեց տեղական «Նագին» ընկերությունը, սակայն նրա կողմից ներկայացված հիմնավորումը քննադատությանը չդիմացավ: Նախագիծը սառեցրին: Տաթեւի մոտի հանքավայրի շահագործման առումով ասեմ, որ, անկասկած, այն կհարվածի տեղի զբոսաշրջությանը: Ո՞վ կցանկանա ճոպանուղի նստել եւ շնչել վնասակար արտանետումները»:
Հունիս 07, 2011 at 14:01
