Հայերը Վրաստանի Գուրիա մարզում ոսկի են փնտրում

Հայերը Վրաստանի Գուրիա մարզում ոսկի են փնտրում

News.am

Հայերը Վրաստանի Գուրիա մարզում ոսկի են փնտրում, այս մասին Վրաստանի «Ռեդիսոն Բլու» հյուրանոցում տեղի ունեցած բիզնես-ֆորումի ժամանակ հայտարարել է Վրաստանում հայկական կառույց ունեցող «Վրացական ռեսուրս» կազմակերպության տնօրեն Ներսես Կարամանուկյանը, գրում է վրացական «Պիրվելի» գործակալությունը:

Կազմակերպության տնօրենի խոսքով, իրենց կազմակերպությունը ոսկի փնտրելու լիցենզիան ստացել է ընթացիկ տարվա սեպտեմբերին:

«Ըստ լիցենզիայի, մենք 18 ամիսների ընթացքում ոսկի փնտրելու աշխատանքների վրա պետք է ծախսենք 1 միլիոն ԱՄՆ դոլար: Ոսկու փնտրման գործընթացը նոր ենք սկսել: Մեր կազմակերպությունը Հայաստանում եւս զբաղված է ոսկու փնտրելու գործով եւ հույսով եմ, որ Վրաստանում նույնպես հաջող աշխատանք կունենանք»,-հայտարարել է Կարամանուկյանը:

Նրա խոսքով, կազմակերպությունը Գուրիայում ոսկի փնտրելու լիցենզիան ձեռք է բերել 306 հազար ԱՄՆ դոլարով:

Հիշեցնենք, որ նոյեմբերի 30-ին «Ռեդիսոն» հյուրանոցում տեղի է ունեցել հայ-վրացական բիզնես-ֆորումը, որը բացել են երկու պետություներրի նախագահներ Միխայիլ Սահակաշվիլին եւ Սերժ Սարգսյանը:

Բիզնես-ֆորումին մասնակցել են նաեւ վրացական եւ հայկական կազմակերպության ներկայացուցիչները:

Դեկտեմբեր 01, 2011 at 13:34


Առնչվող նյութեր


Կատեգորիա

ավելին
պակաս

Մարզեր